अनसनरत डा गोविन्द केसीको समर्थन गर्दै काठमाडौंमा प्रदर्शन गरिएको छ। सोलिडारिटी फर डा केसी अलायन्सको अगुवाइमा प्रदर्शन गरिएको हो।
माइतीघरबाट सुर भएको विरोध प्रदर्शन बानेश्वरतिर लागेको छ। सहभागीहरुले ‘सबै कुरा प्रस्ट छ, ओली सरकार भ्रष्ट छ’, ‘एक-दुई-तीन-चार हामी मान्ने छैनौ हार’, ‘पाँच-छ-सात-आठ माफियाको कान समात’, ‘जिकेसीको अनसन माफियालाई टेन्सन’, ‘माफियाका ताँती ओली सरकारका साथी’ लगायतका नारा लगाएका छन्।
सरकारसँग पहिले भएको सहमतिअनुसार चिकित्सा शिक्षा विधेयक पास हुनुपर्ने भन्दै केसी पुस २५ गतेदेखि आमरण अनसनमा छन्। इलाम पुगेर १६औं अनसन बसेका उनको स्वास्थ्यमा गम्भीर समस्या देखिएपछि बिहीबार राति नै हेलिकोप्टरबाट काठमाडौं ल्याइएको थियो। उनी हाल त्रिवि शिक्षण अस्पताल महाराजगन्जमा अनसन बसिरहेका छन्।
