नेपाली कांग्रेस अछाम काठमाडौं सम्पर्क समितिले डा. आर्जु राणा देउवालाई ‘नेपाली कांग्रेस द्वारिकादेवि स्मृति सम्मान’ प्रदान गरेको छ । प्रत्यक वर्ष दसैं दीपावली, छठ तथा नेपाल सम्बतको अवसरमा शुभकामना आदान प्रदान कार्यक्रम गर्दै आएको समितिले यही भदौ २१ गते (शनिबार) आयोजित समारोहमा उक्त पुरस्कार प्रदान गरिएको हो ।
सामाजिक क्षेत्रमा योगदान पुर्याएको भन्दै समितिले नेपालको पहिलो महिला मन्त्रीका नाममा स्थापित सम्मान देउवालाई प्रदान गरिएको हो ।
यस्तै कार्यक्रमा नेपाली कांग्रेसका दिवंगत नेता ‘एनडी प्रकाश चटौत स्मृति सम्मान’ प्रतिनिधि सभा सदस्य रामबहादुर विष्टले पाउने भएका छन् । समितिका अध्यक्ष देउडा गायक यज्ञराज उपाध्यायका अनुसार ‘नेपाली कांग्रेस शिद्धराज ओझा स्मृति सम्मान’ पूर्व राजदुत तथा सांसद् बलबहादुर कुवरलाई प्रदान गरिएको छ ।
कार्यक्रम नेपाली कांग्रेसका केन्द्रीय सभापति शेरबहादुर देउवाको प्रमुख आथित्यतामा दिउँसो दुई बजेबाट डेलिस् ओपेरा ब्याङ्क्युट बालुवाटारमा कार्यक्रम सुरु भएको उपाध्यायले बताए ।