वास्तविक जोडीको कथामा निर्माण तथा प्रदर्शनमा आएको फिल्म ‘बोबी’को सिक्वेल ‘बोबी-२ बाँकी कथा’ निर्माण हुने भएको छ। शनिबार काठमाडौंमा एक पत्रकार सम्मेलन गरि निर्माण युनिटले ‘बोबी–२ बाँकी कथा’ निर्माण गर्ने घोषणा गरेको हो।
मिलन चाम्सद्धारा निर्देशित फिल्म ‘बोबी’ गत असारबाट प्रदर्शनमा आएको थियो। वास्तविक पात्रहरु उमेश थापा र कविता गुरुङको प्रेम कथामा निर्माण भएको फिल्मले धेरै दर्शकको तारिफ प्रापत् गरेको थियो।
फिल्मको सिक्वेललाई पनि चाम्सले नै निर्देशन गर्दैछन्।
फिल्म ‘बोबी’मा वास्तविक जोडीले प्रेम प्राप्तिका लागि गरिएको संघर्ष, त्याग र सफलताको कथा देखाइएको थियो। जसमा कविता गुरुङको कथालाई प्राथमिकतामा राखिएको थियो।
तर अब बन्ने सिक्वेलमा भने बाँकी रहेका कथा अर्थाथात् उमेशका कथा र अन्य विषयलाई फिल्ममा समावेश गरिने निर्माण युनिटले जानकारी गराएको छ।
अन्तर्जातिय प्रेम र सफलताको कथा बोेकेका उमेश र कविताको परिवार विगत लामो समयदेखि नर्वेमा बस्दै आएका छन्। त्यसैअनुरुप अब बन्ने फिल्मको सिक्वेलको आधा भाग नेपाल र आधा भाग नर्वेमा छायांकन गरिनेछ।
फिल्म आँउदो चैत दोस्रो साता छायांकनका लागि नर्वेबाट फ्लोरमा निस्कने छ।
फिल्ममा सुदीप बरालको छायाँकन र बनिश शाहको सम्पादन रहेनछ।