पोखरा ,सुन्दर नगरी पोखराको वडा नं. २१ रामदीमा अवस्थित एक उदाउँदो विद्यालय श्री रामदी आधारभूत विद्यालयलाई इनरह्विल क्लब अफ अन्नपूर्ण, पोखराले शैक्षिक तथा खेलकुद सामग्री बिहीवार विद्यालय प्राङ्गणमा प्रदान गरेको छ ।
इनरह्विल क्लबकी अध्यक्ष श्री सञ्जिना न्यौपानेको अध्यक्षतामा सम्पन्न कार्यक्रममा रोटरी क्लब अफ पोखरा अन्नपूर्णका रोटरियन तथ शिक्षासेवी विजयराज आचार्य, क्लबकी जिल्ला कोषाध्यक्ष श्री विद्या गुरुङ, क्लबकी सहसचिव सरिता शर्माको विशेष उपस्थिति रहेको थियो ।
कार्यक्रमको अवसरमा वक्ताहरुले विद्यालयको प्रगतिको सराहना गर्दै शिक्षाको गुणस्तर अभिवृद्धिमा थप सहयोग गर्ने बताउनुभयो । कार्यक्रममा खेवक्ताहरुले सामग्रीमा पिङ, बलहरु लगायत अन्य एवम् शैक्षिक सामग्रीतर्फ ३५ जना विद्यार्थीहरुलाई कापी, कलम, विविध चार्टहरु आदि प्रदान गरिएको थियो।
कार्यक्रममा मन्तव्य राख्दै रोटरियन तथा शिक्षा सेवी विजयराज आचार्यले विद्यालयलाई आगामी दिनमा पनि यस्तै सहयोग गरी कलिला बाबुनानिहरुको भविष्य सुन्दर बनाउने कुरा व्यक्त गर्नुभयो। विब्यस सदस्य कविराज पौडेल तथा शिक्षक अभिभावक संघका अध्यक्ष समन बहादुर गुरुङ्ले धन्यवाद मन्तव्य राख्नुभएको कार्यक्रमको सञ्चालन क्लबकी सहसचिव सरिता शर्मा र प्रधानध्यापक रेशमप्रसाद ढकालले गर्नुभएको थियो।