काठमाडौं। प्रहरी प्रधान कार्यालयले २४ जना प्रहरी उपरिक्षक (एसपी ) हरुको सरुवा गरेको छ। सरुवा सुची अनुसार प्रचण्डको गृह जिल्ला चितवनमा गंगा पन्तलाई पठाइएको छ भने चितवनका दानबहादुर मल्ललाई महानगरीय विमानस्थल सुरक्षा प्रहरी कार्यालय गौचर काठमाडौंमा सरुवा गराइएको छ । धनुषामा रमेश कुमार बस्नेतको सरुवा भएको छ भने झापामा कृष्ण कोइरालालाई पठाइएको छ। स्याङ्जामा जनर्दन जिसीलाई सरुवा गराइएको छ भने प्रदेश ट्राफिक कार्यालय बारामा श्याम कुमार महतोलाई पठाइएको छ। कंचनपुरमा मुकुन्द मरासनीको सरुवा भएको छ भने रवीराज खड्कालाई रौतहटमा पठाइएको छ । मकवानपुरमा सुशिल सिंह राठौरको सरुवा भएको छ भने रन्जु सिग्देललाई सिन्धुली पठाइएको छ। प्रहरी महानिरीक्षकको शुक्रबार बसेको बैठकले २४ प्रहरी उपरीक्षकहरूको सरुवा गर्ने निर्णय गरेको हो।