कास्की । कैलालीमा आज थप १० जनामा कोरोना भाईरसको संक्रमण पुष्टि भएको छ । धनगढीमा गरिएको परीक्षणमा कैलालीमा मंगलबार १० जना कोरोना संक्रमित थपिएका हुन ।
कैलालीको टीकापुर नगरपालिकाको कर्णाली मावि क्वारेन्टिमा रहेका २०, ३५ र ६३ बर्षीय पुरुष र १८ बर्षीय युवतीमा कोरोना पुष्टि भएको छ ।
त्यस्तै धनगढी उप–महानगरपालिका वडा नम्वर ३ को त्रिभुवन माविको क्वारेन्टिमा रहेका ३२ बर्षीय पुरुष तथा गौरीगंगा नगरपालिकाको कालिका माविको क्वारेन्टिमा रहेका १९, २०, २४, २८ र ३२ बर्षीय पुरुषमा कोरोना पुष्टि भएको हो ।
यो संगै कैलालीमा कोरोना संक्रमितको संख्या ३३ पुगेको छ ।