पाेखरा।प्रेस ज्याकेट दुरुपयोगको आरोपमा ललितपुरका एक युवक पक्राउ परेका छन् । महालक्ष्मी नगरपालिका–१ का २१ वर्षीय अनिश महर्जनलाई रातो मत्स्येन्द्रनाथ रथ तान्ने विषयलाई लिएर बिहीबार ललितपुरमा प्रहरी र स्थानीयबीच भएको झडपको क्रममा प्रेस ज्याकेट दुरुपयोग गरेको भन्दै अपराध महशाखाको टोलीले शुक्रबार पक्राउ गरेको हो ।
झडपका बेला प्रेस ज्याकेट लगाएर प्रहरीमाथि ढुंगामुढा गरेको ती युवकमाथि आरोप लागेको छ ।
ललितपुरका प्रमुख जिल्ला अधिकारी नारायणप्रसाद भट्टले पक्राउ परेका युवाले ट्राफिक प्रहरीमाथि हातपात र ढुंगामुढा गरेको/नगरेको बारे अनुसन्धान हुने बताए । झडपको क्रममा आक्रोशित स्थानीयले बिहीबार मंगलबजारमा ड्युटीमा खटिएका ट्राफिक प्रहरी जवान कमलप्रसाद घिमिरेमाथि कुटपिट गरेका थिए ।