कविराज खनाल
पोखरा । पहिरोमा पुरीएर बिद्यार्थीकाे मृत्यु भएपछि पाेखराका (साविक लेखनाथ) ३ वटा विद्यालय शोकमा डुवेका छन् । पोखरा महानगरपालिका वडा नंं ३२, स्थित चैनपुरमा गएराति अविरल बर्षाका कारण पहिरोमा पुरीएर ३ जनाको मृत्यु भए सँगै साविक लेखनाथका ३ वटा विद्यालय शुक्रवार शोकमा डुवेका हुन ।
बिहिबार राति करिव १२ः३० बजे समयमा घर भन्दा पाँचसय मिटर माथिबाट आएको पहिरोले स्थानीय शिव ओझाको टिनले छाएको एक तले घरमा आएको पहिरोले पुरिदा उहाँकी छोरीहरु वर्ष १६ कि अनिता ओझा र वर्ष १३ कि अनुश्का ओझाकाे ज्यान गएकाे हाे । उनका सालाको छोरा वर्ष ९ का प्रतिक सुवेदीको पनि घरमा पुरीएर मृत्यु भएको हो ।
उनकी श्रीमती आरती ओझालाई स्थानीयवासी र जनपथ र सशस्त्रबलको टोलीले रातीनै उद्धार गरेका थिए ।उनकाे अहिले पोखरा स्वास्थ्य विज्ञान प्रतिष्ठानमा उपाचार भइरहेको कास्की प्रहरीले जनाएको छ । ।
अनिता ओझा पोखरा महानगरपालिका वडा नंं ३२, राजाको चौतारामा रहेको श्री ब्रह्मरुपा माध्यमिक विद्यालयमा कम्प्युटर इनिजनियरिङ् तर्फ कक्षा १० मा अध्ययनरत थिइन। अनुश्का ओझा पोखरा महानगरपालिका वडा नंं ३० मा रहेकाे श्री त्रिभुवन शान्ति मा.वि.मा कक्षा छ मा अध्ययनरत थिइन । रुपा गाउँपालिका वडा नं. २ शिरकोतान घर भएका वर्ष ९ का प्रतिक सुवेदी पोखरा– ३१, श्री डायमण्ड मोडल सेकेन्डरी स्कुलमा कक्षा ३ मा अध्ययनरत थिए । उनी विद्यालयमा अन्तिम शुक्रवार विदा परेकाले फुपुदिदीको घरमा विदा मनाउन आएका थिए ।
घरधनी शिवओझा रोजगारको शिलशिलामा भारतमा रहेका छन् ।