पाेखरा । जिल्ला प्रहरी कार्यालय कास्कीको आयोजनामा प्रहरी कर्मचारीहरुलाई व्यक्तित्व विकास सम्बन्धी १ दिने अभिमुखिकरण तालिम संचालन गरिएको छ ।
साेमबार प्रहरी कर्मचारीहरुको व्यक्तिगत विकास, आचारण व्यवहारमा रुपान्तरण गरी प्रहरी काम कारवाहीमा व्यवसायिक कार्यसम्पादन स्तरमा बृद्धि गर्ने तथा नागरिक मैत्री बनाउनको लागि तालिम संचालन गरिएको जिल्ला प्रहरी कार्यालय कास्कीले जनाएकाे छ ।
जिल्ला प्रहरी कार्यालय कास्कीका प्रहरी उपरीक्षक मोहन कुमार थापाकाे प्रमुख आतिथ्यतामा संचालन गरिएको उक्त तालिममा योगा, ध्यान र सकारात्मक सोचद्वारा जीवन सुन्दर बनाउने कलाको सम्बन्धमा गंगालाल पोखरेलले, मनोसामाजिक परामर्श र व्यक्तित्व विकास सम्बन्धमा पि.एन. क्याम्पसका उपप्रध्यापक रुद्रराज तिमिल्सिनाले सहजीकरण गरेका थिए। प्रहरी संगठन कार्य सम्पादन र व्यवसायिकतामा पार्ने असर सम्बन्धमा जिल्ला प्रहरी कार्यालय कास्कीका प्र.ब.ना.नि. रामचन्द्र के.सी.ले सहजीकरण गरेका थिए।
मानसिक तथा शारिरीक रुपमा स्वास्थ्यमा पार्ने प्रतिकुल प्रभावको विषयमा गण्डकी प्रहरी अस्पतालका प्र.नि. डा. दिपक बाबु मगरान्तिले प्रशिक्षण प्रदान गर्नुभएको थियो ।
तालिममा जिल्ला प्रहरी कार्यालय कास्की तथा मातहत समेतमा कार्यरत ३० जना प्रहरी कर्मचारीहरुकाे सहभागिता रहेकाे थियाे ।
यस प्रकारका तालिम पहिलो पटक संचालन भएको र यसबाट प्रहरी कर्मचारीको कार्यसम्पादन स्तरमा अभिवृद्धी हुने सहभागी प्रहरी कर्मचारीहरुको प्रतिक्रिया दिएका थिए ।