पोखरा । पोखरा महानगरपालिका वडा नंं ३०, खुदी स्थित ग्रिनपार्कमा निर्मित चुर्तमुखी शिवको मुर्तिको प्राणप्रतिष्ठा गरिएको छ ।
करिव १० रोपनी क्षेत्रफलमा रहेको ग्रिनपार्कमा चर्तुमुखि शिवको मुर्तिको प्राणप्रतिष्ठा एवं (रुद्राभिषेक) विधिपुर्वक गरिएको वडा नंं ३० का वडा अध्यक्ष दुर्गाप्रसाद सुवेदीले बताउनु भयो ।
ग्रिनपार्कको प्राङ्गगणमा आयोजना गरिएको रुद्राभिषेक, चर्तुमुखी शिवको मुर्ति स्थापित गणेश, सूर्य, विष्णु, वर–पिपलको समुहिक विवहा एवं सामुहिक रुद्रि पूजा वैदिक विधिपूर्वक श्रावण महिनाको पहिलो सोमवार पारी पंण्डित द्धय रमेशराज पौडेल र दिनेश पौडेलले गरेका हुन् ।
पोखरा विश्वविद्यालय केन्द्रिय कार्यालय नजिक रहेको सो पार्कमा स्थानीय समुदाय एवं वडा कार्यालयको संरक्षकत्वमा महत्वपूर्ण धार्मिक एवं पर्यटकीय स्थलका रुपमा स्थापित गर्ने उद्देश्य रहेको वडा सदस्य विनोद लामिछानेले जानकारी दिए ।
भगवान शिवको पृय दिन सोमवार ब्रतवस्दा लौकिक र परलोकमा पनि फल प्राप्त हुन्छ भन्ने मान्यता अनुसार ज्ञान, विचार, वुद्धि विवेक श्रद्धा शक्ति भक्ती तथा पवित्रताको अभिवृद्धि एवं अन्तर आत्मा सुद्ध हुने साथै शारिर स्वास्थ्य एव मन शान्त रहन्छ भन्ने धारण रहेको पाइन्छ । श्रावण महिना भरी शिवको पूजा आराधना गरि वर्त बस्ने गरेमा मनकामना पुर्ण हुने धार्मिक विश्वास रहेको ग्रिनपार्क संरक्षण समितिका सचिव नविन शाहीले जानकारी दिए ।
पोखरा विश्वविद्यालयको नजिकै रहेको ग्रिन पार्क भित्र दुवोले हराभरा चउर, मध्य भागमा चर्तुमुखी शिवको पानीको फोहोरा सहितको स्तम्भ जलाशय रहेको र पार्कको प्राङ्गणमा मौलिक परम्पराका रोटे पिङ, वाल उद्यान, सुल्ला व्यामशाला, वर–पिपल र समिको चौतारो, विभिन्नि किसिमका फलफुल वेलपत्रका वृक्ष, रुद्राक्ष एवं अन्य प्रजातीका विरुवा लगायत रंगिविरङ्गी फुल एवं झिलिमिली बत्ति र अपाङ्ग मैत्री सार्वजनिक शौचालय मौलिक परम्परा झल्कने सामग्री रहेका छन् ।
आर्थिक वर्ष २०८०÷०८१ गुरुयोजना अनुसार पार्कको भौतिक निर्माणका लागि संघिय सरकारको एक करोड ५० लाख र पोखरा महानगरपालिका कार्यालयको करिव २० लाख रुपैयाको लागतमा निमार्ण सम्पन्न गरिएको हो ।
कार्यक्रमा स्थानीय, वडा कार्य समितिका अध्यक्ष एवं सदस्य , चन्दादाता, युवा क्लव सरोकारवाला, धार्मिक व्यक्तित्व, आमा समुह लगायत संघ संंस्थाको सहभागितामा प्राणप्रतिष्ठा सफलतापूर्वक सम्पन्न गरिएको छ ।