पाेखरा।चितवनको भरतपुर अस्पतालमा काेराेना संक्रमणका कारण एकै दिन ३ जनाको ज्यान गएको छ।
भरतपुर महानगरपालिका-११ का ६५ बर्षीय पुरुष,भरतपुर -११ कि १८ बर्षीय युवती र खैरेनी -१३ का ५५ बर्षीया महिलाको काेराेना संक्रमणका कारणले ज्यान गएको अस्पतालले जनाएको छ।
भदौ १५ गते उपचारका लागि अस्पताल पुगेका उनिहरुकाे साेहि दिन मृत्यु भएको र मृत्यु पछि काेराेना परिक्षण गर्दा पाेजेटिभ रिपोर्ट अाएकाे अस्पतालका नि. प्रमुख मेडिकल सुपरिटेन्डेन्ट डा जगन्नाथ तिवारीले जानकारी दिएका छन्।
अस्पतालमा अाईसियु बेड र भेन्टिलेटरकाे अभावका कारणले बिरामीहरुकाे उपचारमा समस्या भएको उनले बताएका छन्।
एउटा अस्पतालमा उपचारमा रहेको विरामी विना जानकारी अन्यत्र रेफर गर्दा बिरामीले समयमै उपचार नपाउने तथा अनावश्यक दुःख झेल्नु पर्ने उल्लेख गर्दै उनले एउटा अस्पतालमा उपचाररत विरामी अर्को अस्पतालमा रेफर गर्दा अाबश्यक समन्वय गर्नु पर्ने सुझाव समेत दिएका छन्।
मृतक मध्ये दुई जना अन्य अस्पताल बाट रिफर भएर भरतपुर अस्पताल अाएका बिरामी भएको अस्पतालले जनाएको छ ।
