म्याग्दी । कार्यसम्पादन मुल्यांकनमा जिल्ला प्रशासन कार्यलय म्याग्दीमा सुधार देखिएको छ।
आर्थिक बर्ष २०८१/०८२ काे तेस्रो चाैमासिककाे कार्यसम्पादन मुल्यांकन नतिजामा जिल्ला प्रशासन कार्यलय म्याग्दीकाे कार्यसम्पादन मुल्यांकन नतिजामा सुधार देखिएको हाे ।
मंगलबार गृहमन्त्रालयले सार्वजनिक गरेको जिल्ला प्रशासन कार्यलयहरुकाे आर्थिक बर्ष २०८१/०८२ काे तेस्रो चाैमासिककाे कार्यसम्पादन मुल्यांकन नतिजामा जिल्ला प्रशासन कार्यलय म्याग्दी देशभरका जिल्ला प्रशासन मध्ये
१७ दशमलव ८७५ अंक प्राप्त गरेर दशाैं स्थानमा परेको हाे भने उपसचिवले नेतृत्व गरेको प्रशासनमा भने दाेस्राे स्थानमा पर्न सफल भएको छ।
आर्थिक बर्षकाे पहिलो चाैमासिकमा ५५ औं स्थानमा परेकाे म्याग्दी प्रशासन कार्यलय दाेस्राे चाैमासिकमा २३ औं स्थानमा पर्न सफल भएको थियाे ।
चालु आर्थिक बर्षकाे दाेस्राे चाैमासिककाे सुरुदेखि म्याग्दी जिल्लामा प्रमुख जिल्ला अधिकारीकाे जिम्मेवारीमा उपसचिव गुरुदत्त ढकाल रहनुभएकाे छ।
प्रमुख जिल्ला अधिकारी ढकालले आफुले प्रशासनकाे नेतृत्व लिदै गर्दा कार्यसम्पादनमा सुधार भएको नतिजाले थप उत्साहित भएको पाेखरा पाेष्टलाई जानकारी दिनुभयो ।
´नागरिकलाई सहज रुपमा सेवा दिने उदेश्यले हामी पछिल्लो समय वडामै पुगेर राष्ट्रिय परिचयपत्र वितरण गरेका छाैं , प्रजिअ ढकालले भन्नुभयाे ´ जिल्ला प्रशासन कार्यलयवाट प्रवाह हुने सेवालाई छिटाे छरितो र चुस्त दुरुस्त बनाउन हामी प्रतिबद्ध छाै।´
गृह मन्त्रालयले शान्ति सुरक्षा,विपद ब्यबस्थापन ,गुनासो ब्यबस्थापन ,सेवा प्रवाह,लागू औषध नियन्त्रण लगायतको सुचककाे आधारमा मातहतका निकायहरूकाे प्रत्येक तीन /तीन महिनामा कार्यसम्पादन मुल्यांकन गर्ने गर्दछ।