सीता डोटेल
पाल्पा रामपुर ।
पाल्पा जिल्लाको निस्दी गाउँपालिकामा जन्ती बोकेको जिप दुर्घटनामा भएको छ । गाउँपालिका ६ र ७ को सिमानामा जन्ती बोकेको जिप दुर्घटना भएको हो ।
वडा ४ मित्यालको भिरपानीबाट जन्ती लिएर वडा ७ ज्यामिरेको हुवास फर्केको लु १ ज १९४१ नम्बरको जिप दुर्घटना हुँदा चालक सहित ५ जनाको घटना स्थल मै मृत्यु भएको छ ।
वडा ६ को अर्चले धोबला र वडा ७ ज्यामिरेको चारघरे बीचमा जिप दुर्घटना भएको हो ।
मृत्यु हुनेहरुमा चालक बुद्धिबल सोती, निस्दी ७ का खड्क बहादुर सोमै, देवलाल खन्गाहा, लाल बहादुर सारु र सन्त बहादुर सारु रहेको इलाका प्रहरी कार्यालय रामपुरले जनाएको छ । ६ जना रहेकोमा १ जना हाम फालेर बाच्न सफल भएका छन् । सडकबाट करिब ३०० मिटर तल जीप खसेको हो ।