कास्की । नेपाल फोटो पत्रकार संघ कास्कीको छैटौ अधिवेशनले प्रदिप पौडेलको अध्यक्षतामा नयाँ कार्य समिति चयन गरेको छ । संघको उपाध्यक्षमा नारायण प्रसाद आचार्य, सचिवमा दुर्गाप्रसाद पौडेल, सहचिवमा उमेश पुन र कोषाध्यक्षमा सुरेश कुमार श्रेष्ठ (सुरज) चयन भएका छन् ।
त्यसैगरी कार्यसमिति सदस्यमा अशेष शाक्य र सञ्जय शाक्य चयन भएका छन् । सल्लाहकारमा निर्वतमान अध्यक्ष ईन्द्रप्रसाद पौडेल चयन भएका छन् ।
अधिवेशनमा अध्यक्ष, सचिव र कोषाध्यक्षको प्रतिवेदन पारित भएको थियो । ईन्द्रप्रसाल पौडेलको अध्यक्षतामा भएको कार्यक्रममा प्रमुख आतिथ्यता फोटो पत्रकार महासंघ गण्डकी प्रदेशका अध्यक्ष राम गुरुङ रहेका थिए । फोटो पत्रकार संघ जनआन्दोलन २०६२र०६३ को क्रममा अप्ठ्यारो समयमा स्थापना भएको हो । आन्दोलनका क्रममा सुरक्षाकर्मीबाट धरपकड भएपछि फोटो पत्रकार संगठित भएका थिए ।