पोखरा । गण्डकी प्रदेशका भौतिक पूर्वाधार तथा यातायात व्यवस्था मन्त्री प्रकाशबहादुर केसीले संसदमा आफ्नो मन्त्रालयसँग सम्बन्धित विषयमा उठेका प्रश्नको जवाफ दिएका छन् । गण्डकी प्रदेश सभामा सांसदहरूले शून्य समयमा उठाएका प्रश्नको जवाफ दिने क्रममा आइतबार मन्त्री केसीले समयमा काम नगर्ने निर्माण व्यवसायीलाई नियमअनुसार कारबाहीको प्रक्रिया अघि बढाउने बताए । ठेक्काबमोजिम काम नगर्ने ठेकदारलाई भौतिक पूर्वाधार विकास तथा यातायात व्यवस्था मन्त्रालयमा डाकेर काम अगाडी बढाउन निर्देशन दिइएको उनले सुनाए । साथै निर्धारित समयभित्र काम सक्न ताकेता गरेका मन्त्री केसीले बताए । निर्माण व्यवसायीलाई निर्माण कार्य अगाडी बढाउन निरन्तर प्रगति मूल्यांकन पेश गर्न पत्राचार गरिएको एवं समयभित्र सडक निर्माण सम्पन्न हुन नसके कानुनबमोजिम पत्राचार गर्ने उनको भनाइ थियो । गत आ।व २०८०र८१ को वार्षिक विकास कार्यक्रममा न्यून बजेट विनियोजन भएको कारण वहुवर्षीय योजनामा रकम अपुग भएकोमा सालबसाली योजनाहरुको ठेक्का व्यवस्थापनबाट बचत हुन आएको रकम काम भएका वहुवर्षीय योजनामा रकमान्तरका लागि आर्थिक मामिला मन्त्रालयमा पेश भएको उनले जानकारी दिए । तर हालसम्म रकमान्तर नभएको कारणले निर्माण स्थलबाट निर्माण व्यवसायीले निर्माण कार्य बन्द गरेको अवस्था रहेको मन्त्री केसीले बताए । म्याग्दीका विभिन्न खण्डमा पहिरो गई फाफरखेत सडक अवरुद्ध भएकोमा मर्मत सम्भार शीर्षकमा विनियोजित बजेटबाट सडक खुलाई आवागमनलाई सहज गर्न मन्त्रालय सफल भएको उनले दाबी गरे । मन्त्री केसीले प्रदेशमा भएका सडकलाई सुरक्षित बनाउन सडकको लागत इस्टिमेट गर्दै सुरक्षासम्बन्धी ट्राफिक संकेत चिन्ह एवं आवश्यक स्थानमा क्यार्स व्यारियर जडान गर्ने कामका लागि रकम विनियोजनको व्यवस्था गरिएको मन्त्री केसीले सुनाए । क्षति भएका र मर्मत गर्नुपर्ने सडकलाई स्वीकृत बजेटको परिधिभित्र रहेर क्रमश प्राथमिकताको आधारमा सम्बन्धित पूर्वाधार विकास कार्यालयको सिफारिसमा मर्मत गर्दै आएको उनले जानकारी गराए । केही क्षतिग्रस्त सडकहरुको सम्बन्धमा आफू मन्त्री भएर आउनुभन्दा अघि नै बजेट विनियोजन एवं खर्च भएको मन्त्री केसीले सभालाई सुनाए । कामको प्रगतिको आधारमा भुक्तानी गरी निर्माण व्यवसायीलाई निर्माणमा सहजीकरण गर्ने मन्त्री केसीले बताए ।

  पोखरा ।  प्रगतिशील लेखक संघ गण्डकीको शनिबार पोखरामा सम्पन्न तेस्रो अधिवेशनले प्राध्यापक डा. यदुनन्दन उपाध्यायलाई संघको अध्यक्षमा चयन गरेको छ। सर्बसम्मत रुपमा निर्बाचित कार्यसमितिको उपाध्यक्षमा कल्पना पौडेल र निर्मल सापकोटा, सचिवमा रुपिन्द्र प्रभावी जोशी तथा कोषाध्यक्षमा गीता तिवारी चयन भएका छन । त्यसैगरी अधिवेशनले बाबुराम सुवेदी, श्रीभद्र पौडेल, भोलाप्रसाद बस्ताकोटी, नारायण लम्साल, युवराज पौडेल, शम्भु अर्याल, अर्जुनप्रसाद सुवेदी, लोकनाथ पुडासैनी, रञ्जना खत्री, भरत बाग्लुङे, गणेश अधिकारी, छन्दमणि त्रिपाठी, निर्मल पौडेल, लक्ष्मी सिग्देल, नेपालप्रकाश अधिकारी, शोभासिंह ठकुरी र आकाश अधिकारीलाई कार्यसमितिको सदस्यको जिम्मेवारी दिएको छ ।

पाेखरा ।  नेपाल पत्रकार महासंघका निवर्तमान केन्द्रीय सदस्य   अधिवक्ता  सरिता तिम्सिना पगेनी  रुपा रत्न सम्मानबाट सम्मानित हुनुभएको छ।  मंगलबार कास्कीको रुपा गाउँपालिकाले आफ्नो स्थापना दिवसको अवसरमा  पत्रकार पगेनीलाई दाेसल्ला र ताम्रापत्रसहित रुपा रत्न सम्मान २०८१ बाट सम्मानित गरेको हो । पत्रकारिता मार्फत रूपा र राष्ट्रलाई दिएकाे महत्वपूर्ण योगदान स्वरूप पगेनीलाई  सम्मान गरिएकाे रुपा गाउँपालिकाका प्रमुख नवराज ओझाले जानकारी दिनुभयाे ।   रुपा रत्न सम्मान २०८१ बाट सम्मानित   पगेनी नेपाल पत्रकार महासंघकाे निर्वतमान केन्द्रीय सदस्य एवम् कानुन बिभाग प्रमुख समेत हुनुहुन्छ ।  

पाेखरा। ११५ औं अन्तर्राष्ट्रिय श्रमिक महिला दिवसको अवसरमा नेपाल महिला संघ पाेखरा महानगर कार्यसमितिले  आयाेजना गरेकाे राजनीतिमा महिला सहभागिता सम्भावना र चुनाैती विषयक प्रशिक्षण एवम् सम्मान कार्यक्रम आईतवार पाेखरामा सम्पन्न भएकाे छ। कार्यक्रमकाे उद्घाटन गर्दै नेपाल महिला संघ कास्कीका संस्थापक अध्यक्ष शकुन्तला गुरुङले समाजकाे आधाभन्दा बढी स्थान ओगटेका महिलाहरुको समान सहभागिता विना समाजको विकास हुन नसक्ने बताउनुभयो ।राजनितीमा महिला सहभागिता अनिवार्य रहेको उल्लेख गर्दै उहाँले आरक्षणका नाममा सक्षम र अवसर प्राप्त गर्न सक्ने भन्दा नयाँ र अवसर प्राप्त गर्न नसक्नेहरुलाई अवसर दिनुपर्नेमा जाेड दिनुभयो ।   कार्यक्रममा बाेल्दै नेपाली काँग्रेस कास्कीका सभापति किशोर दत्त बरालले राजनीतिमा आउनका लागि महिला स्वयं नै सक्षम र नेतृत्व विकास सीप भएको हुनुपर्ने बताउनुभयो ।कसैको लहैलहैमा नेता भईदैन भन्दै उहाँले आफ्नाे व्यक्तित्व निखार्दै समाजमा सुगन्ध छर्ने महिलालाई राजनीतिक दलले आफैं खाेज्ने बताउनुभयो ।