पाेखरा ।वमन फन्ड एसियाकाे सहयाेग एवम् पाेखरा महानगरपालिका वडा नम्वर १४ काे समन्वय तथा नेपाल वार एशाेसियसनका केन्द्रीय सदस्य अधिवक्ता विनिता नेपालीकाे आयोजनामा महिलाहरूका लागि  न्यायमा पहुँच  विषयक एक दिने अनुशिक्षण कार्यक्रम शनिबार पाेखरामा सम्पन्न भएकाे छ।

कार्यक्रमकाे उद्घाटन गर्दै   पाेखरा महानगरपालिका वडा नम्वर १४ का वडाअध्यक्ष बाेध बहादुर कार्कीले   सबैकाे न्यायमा पहुँचका लागि राज्यले गरेको  कानुनी व्यवस्थाकाे व्यवहारिक कार्यन्वयनका लागि सबै  नागरिक सचेत हुनुपर्नेमा जाेड दिनुभयो ।

संबिधानले माैलिक हकका रुपमा व्यवस्था गरेको लैङ्गीक भेदभाव विनाकाे समान बंशीय हक ,सुरक्षित मातृत्व र प्रजनन स्वास्थ सम्वन्धि हक लगायत राज्यका सबै निकायमा समानुपातिक समाबेशी सिद्धान्तकाे आधारमा सहभागी हुने हकलाई व्यवहारिक कार्यन्वयनका लागि सबै महिलाहरु सचेत हुनुपर्ने उहाँको भनाइ थियाे।   उहाँले महिला सशक्तीकरणका लागि  वडा कार्यलयले  महिला लक्षित कार्यक्रमहरु स‍ञ्चालन गरिरहेकाे बताउनुभयाे ।

कार्यक्रमकाे  उदेश्य माथि प्रकाश पार्दै  नेपाल वार एशाेसियसनका केन्द्रीय सदस्य अधिवक्ता विनिता नेपालीले   न्यायलयमा अझै पनि महिलाकाे राज्यले व्यवस्था गरेका न्यायिक सुविधाकाे  सहज पहुँच पुग्न नसकेकोले वास्तविक पीडितहरु, महिला र युवतीकाे  न्यायमा सहज पहुँच पुर्याउने उदेश्यले कार्यक्रमकाे आयोजना गरिएको बताउनुभयो ।

महिला लक्षित कार्यक्रमहरु धेरै हुदै आएता पनि लक्षित वर्ग,समुदाय र पिडितमुखी हुन नसकेको  बताउर्दै  उहाँले न्यायलय न्याय प्रदान गर्ने एक मात्र निकाय रहेकोमा स्वतन्त्र र निष्पक्ष  न्याय सम्पादन गर्नुपर्नेमा जाेड दिनुभयो ।

कार्यक्रममा पाेखरा महानगरपालिका वडा नम्वर १४ का वडा सदस्य तनुजा थापा सिके गाेपाल     साप्काेटा कृष्ण हरी काफ्ले ,पाईला आमा  समुहका अध्यक्ष कल्पना कार्कीले मन्तव्य ब्यक्त गर्नुभएको थियाेे।

कार्यक्रमलाई  अधिवक्ता भुवन पराजुली र नेपाल पत्रकार महासंघ कानुन बिभाग प्रमुख अधिवक्ता सरिता तिम्सिना पगेनीले सहजिकरण गर्नुभएको थियाे।

कार्यक्रमका सहभागी कल्पना कार्कीले  पहिलोपटक न्यायमा पहुँच सम्वन्धि कार्यक्रममा सहभागी भएको र कानुन सम्वन्धि धेरै कुराहरू सिक्ने अवसर मिलेको अनुभव सुनाउनुभएको थियाे।

कार्यक्रममा  बिभिन्न महिला समुहका  सदस्यहरुकाे  सहभागीता रहेको थियाे।

पोखरा ।  गण्डकी प्रदेश सभा सदस्य बिमला गौचनको गएराती निधन   भएको छ ।    काठमाडौँको ग्राण्डी अस्पतालमा डेङ्गीको उपचारका क्रममा बुधबार राति उनको निधन भएको नेपाली काँग्रेस म्याग्दीका पूर्व सभापति तथा संविधानसभा सदस्य रेशमबहादुर बानियाले बताए।

उनी नेपाली काँग्रेसबाट समानुपातिक निर्वाचन प्रणालीबाट प्रदेश सभामा चुनिएकी  थिइन ।

राजनीति र होटल पर्यटन ब्यवासायमा सक्रिय बिमला गौचनले नेपाल महिला संघको म्याग्दी जिल्ला अध्यक्ष, नेपाली काँग्रेसको महाधिबेशन प्रतिनिधि समेत भएर काम गरेकी थिईन ।उनि नेपाली काँग्रेसको गण्डकी प्रदेश समितिको सदस्य समेत रहेकी  थिईन ।

राजनीति होटल पर्यटन र सामाजिक क्षेत्रमा सक्रिय रहेकी बिमलाका एक छोरा अमेरिका रहेको र उनी नेपाल आएपछि मात्र म्याग्दीमा नै अन्त्येष्टि गरिने पारिवारिक श्राेतले स्रोतले जानकारी दिएको छ ।

बाकु, अजरबैजान । राष्ट्रपति रामचन्द्र पौडेलले जलवायु परिवर्तनले पारेका असरमा विकसित देशलाई गम्भीर बनाउन संयुक्त राष्ट्रसंघका महासचिव एन्टेरियो गुटेरेसलाई आग्रह गर्नुभएको छ । उहाँले जलवायु परिवर्तनबाट नेपालले भोग्नुपरेको असरको न्यूनिकरणका लागि विकसित देशहरुबाट अनुदान उपलब्ध गराउन पनि आग्रह गर्नुभएको छ । सोमबारदेखि अजरबैजानको बाकुमा जारी कोप २९ को सम्मेलन अन्र्तगत संयुक्त राष्ट्रसंघका महासचिव एन्टोनिओ गुटेरेसले अल्पविकसित राष्ट्रहरूका राष्ट्र÷सरकार प्रमुखहरूसँग आज यहाँ गर्नुभएको सामुहिक भेटघाट कार्यक्रममा राष्ट्रपति पौडेलले यस्तो आग्रह गर्नुभएको हो । “जलवायु परिवर्तनले उत्पन्न समस्या अहिले नेपालजस्ता मुलुकले भोगिरहे पनि पछि विकसित देशमा पनि आउनेछ ! यो कुरा राष्ट्र संघमार्फत विकसित देशले बुझुन, “ राष्ट्रपति पौडेलको भनाई उद्धृत गर्दै उहाँका प्रेस सल्लाहाकार किरण पोखरेलले भन्नुभयो – “ यो समस्याको सृजना नेपालजस्ता मुलुकले नगरेको हुँदा यसको न्यूनिकरणका लागि उपपलब्ध स्रोत ऋणमा लिन नसकिने भएकाले अनुदानमा उपलब्ध गराउन आग्रह गर्दछु! “ बैठकमा राष्ट्रपति पौडेलले भन्नुभयो । सल्लाहकार पोखरेलका अनुसार राष्ट्रपति पाैडेलले जलवायु परिवर्तनको समस्या अहिले नेपालजस्ता मुलुकलाई परेको छ तर विकसित देशहरुलाई पनि यो समस्या आउँदैछ भनेर राष्ट्रसंघले सम्झाइदिनुपर्नेमा जोड़ दिनुभयो । राष्ट्रपति पौडेलले अल्पविकसित तथा विकासोन्मुख मुलुकहरूले उनीहरूको कुनै योगदान नै नभएको विकराल समस्या बनेको जलवायु परिवर्तनबाट बच्न विकसित देशहरूबाट उल्लेख्य सहयोग पाउन नसकेको बताउनुभयो । उहाँले अल्पविकसित तथा विकासोन्मुख देशहरूलाई अनुकूलन तथा न्यूनीकरणका लागि यथेष्ट आर्थिक तथा अन्य सहयोग जुटाउन संयुक्त राष्ट्रसंघले अझ प्रयास गनुपर्नेमा जोड दिनुभएको छ । राष्ट्रसंघका महासचिव गुटेरसले विपतको पूर्व चेतावनी प्रणाली स्थापनामा अल्पविकसित राष्ट्रहरूलाई प्राथमिकतामा राख्नुभएकोमा राष्ट्रपति पौडेलले आभार व्यक्त गर्दै जलवायु परिवर्तनले आर्थिक र सामाजिक अवस्था कमजोर भएका अल्पविकसित देशहरूलाई सबैभन्दा बढी असर गरेको छ भन्नुभयो । राष्ट्रपति पौडेलले महासचिव गुटेरसले सन् २०२३ मा नेपाल भ्रमण गर्दा हिमालहरू कसरी पग्लिरहेका छन् भन्ने प्रत्यक्ष अनुभव गर्नुभएको छ भन्दै यस वर्ष थामेमा हिमताल फुटेको तथा काठमाण्डौ र आसपास क्षेत्रमा बाढीपहिरोले ठूलो विध्वंस गरेको जानकारी दिनुभयो । उहाँले जलवायु वित्तका श्रोतमा पनि विभिन्न प्रक्रियागत तथा अन्य जटिलताका कारण हाम्रो पहुँच हुन सकेको छैन भन्नुभयो । “प्राप्त हुने श्रोत सरकारी संयन्त्रबाटै खर्च हुँदा बढी प्रभावकारी हुन्छ किनकी सरकार सधैं जनताप्रति जवाफदेही हुन्छ, अन्य क्षेत्रले यस्तो जवाफदेहिता बहन गर्नु पर्दैन, यसतर्फ पनि विकसित देशहरूलाई आश्वस्त पार्न संयुक्त राष्ट्रसंघले भूमिका खेल्न सक्छ भन्ने लाग्छ”, राष्ट्रपति पौडेलले भन्नुभयो । अल्पविकसित देशहरूको विश्व समन्यव परिषदको अध्यक्ष राष्ट्रका हैसियतमा यी देशहरूको चासो र हकहित रक्षाको लागि नेपाल प्रतिबद्ध रहेको उहाँको भनाइ थियो । संयुक्त राष्ट्रसंघले अल्पविकसित तथा विकासशील देशहरूलाई प्राथमिकतामा राखेकोमा कृतज्ञता व्यक्त गर्दै राष्ट्रपति पौडेलले आगामी दिनमा राष्ट्रसंघसँगको सहकार्य अझ घनिभुत बन्ने विश्वास व्यक्त गर्नुभयो । सो अवसरमा राष्ट्रसंघका महासचिव गुटेरसले जलवायु परिवर्तनको कारण उत्पन्न समस्या र जोखिम व्यहोनुपरेका मुलुकलाई सहुलियतपूर्ण स्रोत उपलब्ध गराउनुपर्ने धारणा राख्दै कोप २९ अन्र्तगत हुने बैठक, छलफल र वार्तामा यो विषयलाई जोडदार रूपमा उठाउन सुझाव दिनुभएको पनि पोखरेलले जानकारी दिनुभयो । सो बैठकमा बंगलादेशका अन्तरिम सरकारका प्रमुख, मालावीको उपराष्ट्रपति र गाम्वियाका मन्त्रीको सहभागिता रहेको थियो । अजरबैजानका राष्ट्रपति इलहम अलियभको निमन्त्रणामा कोप –२९ सम्मेलनमा सहभागी हुन राष्ट्रपति पौडेल सोमबार बाकु आइपुग्नुभएको हो । उहाँलाई यहास्थित हैदर अलीएभ अन्तराष्ट्रिय विमानस्थलमा अजरबैजानका न्याय मन्त्री फरिद अहमदोले स्वागत गर्नुभएको थियो । भ्रमण दलमा प्रथम महिला सबिता पौडेल, वन तथा वातारण मन्त्री ऐनबहादुर शाही, राष्ट्रपतिका विज्ञ÷सल्लाहकारसहित नेपाल सरकारका उच्च पदस्थ अधिकारीहरुको सहभागिता छ । यस सम्मेलनको नारा ‘न्यु कलेक्टिभ क्वान्टिफाइड गोल (एनसिक्युजी)’ रहेको छ । सम्मेलन आगामी मंसिर ७ गतेसम्म चल्नेछ । कोप २९ मा भाग लिन राष्ट्रपति पौडेल यसअघि यही कात्तिक २५ गते आइतबार काठमाडौँबाट दोहाको लागि प्रस्थान गर्नुभएको थियो । सम्मेलनमा भाग लिएर राष्ट्रपति पौडेल कात्तिक ३० गते स्वदेश फर्कने कार्यतालिका छ ।

पाेखरा  । हावाहुरीका कारण फेवातालको बीच भागमा अलपत्र परेका दुई जनाको सशस्त्र प्रहरी बलले उद्धार गरेको छ ।

सशस्त्र प्रहरी बल नं २४ कालिका गणबाट फेवाताल रेस्क्यु टावरमा खटिएको टोलीले तालको बीच भागमा काठको डुंगामा अड्किएका रुपन्देहीको देवदह नगरपालिका-११ का २२ वर्षीय मनिष विश्वकर्मा र रुपन्देहीको देवीनगर नगरपालिका-११ का २२ वर्षीया प्रीति सुनारको उद्धार गरेको हो ।

काठको डुंगा भाडामा लिइ फेवातालमा सवार दुवै जनाको तालको बीच भागबाट उद्धार गरिएको कालिका गणका गणपति प्रहरी उपरीक्षक अरुणकुमार शर्माले जानकारी दिए ।

फेवाताल रेस्क्यु टावरमा खटिएको सशस्त्र प्रहरी बलको विशेष विपद् व्यवस्थापन टोलीले घटनाबारे जानकारी प्राप्त गर्नासाथ उनीहरूको उद्धार गरेको थियो ।