टीकापुर नगरपालिका–९ कालाकुण्डाबाट रातको करिब २ :३० बजेको समयमा पौने नौ लाख बराबरको १६ थान ब्याट्री, ५ थान पानी तान्ने मोटर र कपड। बरामद भएको छ। अवैध सामान भित्रिरहेको सुराकी पाएपछि भन्सार कार्यालयको टोली सशस्त्र प्रहरी सहित कालाकुण्डा पुगेको थियो । कार्यालयका अनुसार टोलीले ८ लाख ६९ हजार ७१० रुपैयाँ बराबरको सामान पक्राउ गरेको हो । डुंगामार्फत मोहना नदी पार गरेको सामान गोरुगाडामा लैजाने क्रममा पक्राउ गरिएको कार्यलय प्रमुख बसन्त केसी ले जानकारी दिए । टोलीलाई देख्ने बित्तिकै तस्करीमा संलग्न व्यक्तिहरु भने भागेको कार्यालय प्रमुख केसीले बताए । उनले पक्राउ परेको सामान सात दिन भित्रै लिलाम गरिने बताए । यसअघि छोटी भन्सार रहेको सत्ती भन्सार कार्यालयमा स्तरोन्नती भएपछि चोरी तस्करीमा कमी आएको बताईएको छ ।