मादक पदार्थ सेवन गरेर सवारी चलाउँदा दुर्घटना , ३ जनाको मृत्यु ३ जना घाईते

टीकापुर, सवारी दुर्घटनामा परेर टीकापुर नगरपालिकामा ३ जनाको मृत्यु भएको छ भने ३ जना घाईते भएका छन ।
टीकापुर नगरपालिका वडा नम्बर ७ मा तीनजना चढेको अनटेष्ट मोटरसाइकल गोरुगाडासँग ठोक्किएर दुर्घटना भएको थियो । मोटरसाइकलमा सवार विष्णु रिमाल र जीवानन्द कोइरालाको मृत्यु भएको छ भने चालक पवन पाण्डे घाईते छन । उनको कोहरपुरमा उपचार भैरहेको छ । गोरुगाडा चालक टीकापुर नगरपालिका वडा नम्बर १ का बम्बर चौधरी समेत घाईते भएको प्रहरीले जनाएको छ ।
त्यस्तै टीकापुर नगरपालिका वडा नम्बर ४ लम्कीपुल नजिकै से ६ प १९४१ नम्बरको मोटरसाइकल रोकेर राखेको ट्याक्टरको ट्रलीमा ठोक्किएर दुर्घटना भएको छ । सो दुर्घटनामा मोटरसाइकल चालक सोही ठाउँका आशिष चौधरीको मृत्यु भएको छ । मोटरसाइकलमा सवार महेन्द्र चौधरी घाईते भएको प्रहरीले जानकारी दिएको छ । उनको टीकापुर अस्पतालमा उपचार भैरहेको छ ।
दुवै घटना अत्याधिक मादक पदार्थ सेवन गरेर सवारी चलाउँदा भएको इप्रका टीकापुरका डिएसपी शिवबहादुर सिँहले जानकारी दिए ।

Comments

Prakash koirala

Reply

December 3, 2018

Sancharale suchana didapani durghatana hunu bidambana.