दीपेन्द्र बस्नेत
पुनर्वास ,कञ्चनपुरको दक्षिणी क्षेत्रको पुनर्वास स्थित बाल बागेश्वरी माविले आफ्नो ३५ औं वार्षिकोत्सब तथा अभिभावक दिवसको अबसरमा पारेर आयोजना गरिएको कार्यक्रममा प्रधानाध्यापक राजेन्द्रप्रसाद बराल र शिक्षिका गोमा घिमिरेलाई शनिबार सम्मानित गरिएको छ ।
बिधालयको शैक्षिक र भौतिक बिकासमा उल्लेखनीय योगदान गरेको भन्दै प्रधानाध्यापक बराललाई सम्मान गरिएको हो । शैक्षिक बिकासका लागि निरन्तर लागेको भन्दै बिधालयले शिक्षिका घिमिरेलाई सम्मान गरेको हो । सम्मानित हुने दुबै जनालाई कार्यक्रमका प्रमुख अतिथि पुनर्वास नगरपालिकाका मेयर जिवनराज थापाले प्रशंसा पत्र र बिधालय ब्यबस्थापन समितिका अध्यक्ष कृष्णबहादुर तामाङले दोसल्ला ओडाएर सम्मान गरेका थिए ।
यसैगरी यो वर्षका उत्कृष्ट अभिभावक रहेका भक्तबहादुर तामाङलाई नगद १ हजार सहित प्रशंसा पत्र दिएर सम्मान गरिएको थियो ।
बिधालय ब्यबस्थापन समितीका अध्यक्ष कृष्णबहादुर तामाङको सभापतित्वमा सञ्चालन गरिएको वार्षिकोत्सब कार्यक्रममा नगर प्रमुख जीवनराज थापा प्रमुख अतिथी रहेका थिए । उक्त कार्यक्रममा श्रोत ब्यक्ति शेरसिह बिष्ट र वडा अध्यक्ष रामदुलारे राना बिशिस्ट अतिथी रहेका थिए ।
कार्यक्रममा बिधालयको ९३ लाख १३ हजार ३९५ रुपैया ९६ पैसाको बजेट प्रस्तुत गरिएको थियो ।