नेपाल प्रेस युनियन कास्कीको अध्यक्षमा नविन सिग्देल निर्बाचित

0
1240

नेपाल प्रेस युनियन कास्कीको अध्यक्षमा नविन सिग्देल निर्बाचित  भएका छन् । आइतबार पोखरामा  भएको मतदानमा सिग्देल ७७ मत सहित बिजयी भए भने उनका निकटतम प्रतिद्धन्द्धी माधव रेग्मीले ६६ मत पाए।  अर्का उम्मेदवार यदुनाथ बञ्जराले १७ मत पाएका छन ।
त्यसैगरि  उपाध्यक्षमा प्रकाशचन्द्र सापकोटा सर्वसम्मत चयन भए भने महिला उपाध्यक्षमा रवी आले ९रविना० चयन भईन् । सचिवमा प्रदीप पौडेल   ८० मत ल्याउँदै निर्वाचित हुँदा उनका निकटतम प्रतिद्धन्द्धी भुपाल गुरुङले ५९ मत ल्याए भने अर्का उम्मेदवार सन्दिप पौडेलले २० मत पाएका छन ।
कोषाध्यक्षमा विजय लम्साल र  सह सचिवमा  ज्योति हमाल निर्विरोध चयन  भए। अध्यक्ष र सचिव बाहेक सबै पदहरुमा सर्वसम्मत भएको केन्द्रीय प्रतिनिधि लाल ऐरीले पोखरा पोष्टलाई जानकारी दिए । त्यसैगरी सदस्यहरुमा खुलातर्फ कमल पौडेल, सन्तोष बस्याल, ठगराज शर्मा, सन्तोष सुवेदी, हरि पन्त, धनबहादुर गुरुङ, मधु अधिकारी, सम्राट गुरुङ, सुभाष पौडेल, अनिषा श्रेष्ठ, सुभाष आचार्य र महेन्द्र ढुंगाना सर्बसम्मत चयन भएका छन ।  महिला सदस्यमा भने  सपना अधिकारी, भावना श्रेष्ठ र दलित सदस्यमा विजय नेपाली चयन भएका छन् ।
प्रेस युनियन कास्की शाखाको नवौं  अधिवेशनले केन्द्रिय र प्रदेश पार्षदहरु पनि निर्विरोध चयन गरेको छ ।