डडेल्धुरा / डडेल्धुराको गन्यपाधुरा गाउँपालिका १ साहुखर्कमा आज बिहान यात्रुबाहक बस दुर्घटना हुँदा ७जनाको मृत्यु भएको छ। उनीहरुको दुर्घटना स्थलमै मृत्यु भएको डडेल्धुराका प्रहरी निरीक्षक लक्ष्मण खड्काले जानकारी दिनु भएको छ।
भीमदत्त राजमार्गअन्तर्गत गन्यपाधुरा गाउँपालिका–१ को साहुखर्क नजिकै बुधबार बिहान बस दुर्घटना भएको हो।
धनगढीबाट बभाङका लागि छुटेको कर्णाली रिभर यातायातको ना ६ ख १८३१ नं को बस बिहान ४ः५० मा दुर्घटनामा परेको हो । मृतकहरुको सनाखत हुन सकेको छैन। प्रहरी घटनास्थल पुगेर घाइतेहरु उद्धार गरिरहेको बताइएको छ ।
घटनाको थप बिवरण आउन बाकी छ ।