जीवन र जगतको यथार्थवोधको लागि अक्षरयात्रा” नाराका साथ नवनीत साहित्य सागर र गजलसन्ध्याद्वारा प्रत्येक महिनाको तेस्रो शनिवार संचालन हुँदै आइरहेको साहित्यिक कार्यक्रम अक्षरयात्राको १६५ औं श्रृँखला आज पोखरा-१७,छोरेपाटन अवस्थित “मानव सेवा आश्रम”मा सम्पन्न भयों । आज मातातीर्थ औंसीका अवसरमा भएको उक्त कार्यक्रममा प्रकट पगेनी शिब, श्रीराम अधिकारी गोर्जे, ईशा शाह, तारानाथ पराजुली, जानुका पौडेल, मेघनाथ पौडेल, अमृता मल्ल ठकुरी, सीता बराल, पूर्णविराम , डिल्लीराम भुसाल, टीका क्षेत्रीले तत्स्थानमा रचित रचना वाचन गरेका थिए । नवनीत साहित्य सागरका अध्यक्ष लक्ष्मण थापा र मानव सेवा आश्रमका होमनाथ मानवसेवकको संयुक्त सभापतित्वमा संचालित सो कार्यक्रमको संचालन गजलसन्ध्याका सचिव वसन्त विनोदले गरेका थिए ।