पोखराको एक होटलबाट लागू औषध कारोबारी पक्राउ परेका छन ।
जिल्ला प्रहरी कार्यालय कास्कीको टोलिले पोखराको पृथ्वीचोक स्थित एक होटलबाट ठूलो मात्रामा लागू औषध सहित ७ जनालाई पक्राउ गरेको हो । जिल्ला प्रहरी कार्यालय कास्कीबाट सादा पोसाकमा प्रहरी निरीक्षक सागर पन्तको कमाण्डमा खटिएको प्रहरी टोलीले सुचना संकलनको आधारमा लागू औषध कारोबार गरिरहेका रुपन्देहीका ४३ बर्षिय रामबृक्ष कोहार, ४० बर्षकी तेतरी कोहार, २० बर्षकी सोनम कोहार, पोखरा १ का २६ बर्षिय अनिल गुरुङ, पोखरा २८ का २० बर्षिय शुक्रराज सुनार, पोखरा १३ का ४४ बर्षिय बिक्रम विक र पोखरा ३२ का ३४ बर्षिय अजय गुरुङ लाई पक्राउ गरेका हुन । उनीहरुबाट ३ सय ४१ थान डाइजापाम, ३ सय ४१ थान फेनेरागन, ३ सय ४१ थान बुप्रिनर्फिन र १ सय थान नाइट्रोसन गरि १ हजार २ सय २८ थान लागू औषध बरामद गरिएको कास्की प्रहरी प्रबक्ता डिएसपी रवीन्द्रमान गुरुङले जानकारी दिए ।