पोखरा ।
नेत्र बिक्रम चन्द विप्लव समूहले आज आब्हान गरेको नेपाल बन्दको पोखरामा पूर्ण प्रभाव परेको छ । बन्दको क्रममा पोखराका बिभिन्न ठाँउमा शंकास्पद बस्तु भेटिएका छन । पोखराको चाउथेमा राखिएको प्रेसर कुकर बम नेपाली सेनाले निस्तेज पारेको छ भने शिसुवामा राखिएको सकेटबम पनि डिस्पोज भैसकेको छ ।
यस्तै नयाँ बजार र विरौटामा थप दुईवटा शंकास्पद बस्तु भेटिएका छन् । दुवै ठाउँमा भेटिएको शंकास्पद बस्तु डिस्पोज गर्न नेपाली सेनाको डिस्पोजल टोली पुगिसकेको छ
बन्दका कारण पोखराबाट लामा तथा छोटो दुरीका गाडीहरु छुटेका छैनन् । सामान्य निजी सवारी साधन चलेपनि सार्वजनिक सवारी साधन गुडेका छैनन् भने शैक्षिक संस्थाहरु प्नि पनि पूर्ण रुपमा ठप्प छन् ।