पोखरा । १३ औं दक्षिण एसियाली खेलकुद प्रतियोगिता (साग) अन्तर्गत महिला फुटबलमा नेपालले रजत पदक जितेको छ ।
पोखरा रंगशालामा सोमबार भएको फाइनलमा भारतसँग २-० ले पराजित भएपछि नेपालले रजतमा चित्त बुझाएको हो । भारतविरुद्ध पहिलो हाफमा एक गोल खाएको नेपालले दोस्रो हाफमा थप एक गोल खाएको थियो ।
भारतको लागि दुवै गोल बाला देवीले गरेकी हुन् ।
नेपाल १२ औं सागमा पनि भारतसँग पराजित हुँदै रजतमा समेटिएको थियो ।