परशुराम अधिकारी
हेमजा ।कास्कीको हेमजामा यस बर्ष जिल्ला स्तरीय तीज मेला हुने भएको छ । हेमजा स्थित सफल उधमशिल महिला समुहको आयोजनामा सो मेला हुने भएको हो ।
नारी एक भूमिका अनेक,उधम गरौ उधमशिल बनौ भन्ने नाराका साथ स्थापित सो समुहले मेलाको अबसर पारि तीज गीत प्रतियोगिता ,हाँस्य प्रस्तुती,विविध साँस्कृतिक कार्यक्रम एवं सम्मान कार्यक्रम गर्ने अध्यक्ष विष्णु बाँस्तोलाले जानकारी दिनुभयो ।
मेला सम्पन्न गर्न बिभिन्न उप समितिहरु गठन गरिएको छ ।प्रतियोगितामा प्रथम हुने समुहले रु ५५ हजार ५ सय ५५, द्वितिय हुने समुहले रु ३३ हजार ३ सय ३३,तृतीय हुने समुहले रु२२ हजार २ सय २२ ,सान्तवना हुने समुहले रु११ हजार १सय ११ र उत्कृष्ट नृत्य,भेषभुषा,स्वरले क्रमश रु ५ हजार ५ सय ५५ साथमा प्रमाण पत्र प्राप्त गर्ने कार्यक्रम संयोजक पार्वती बाँस्तोलाले जानकारी दिनुभयो ।
कार्यक्रमबाट कला सस्ंकृति सरंक्षमा टेवा पुग्ने बताइएको छ । कार्यक्रमा ५० टिमले सहभागिता जनाउने र २० हजार दर्शकले अवलोकन गर्ने अनुमान गरिएको छ । टिम दर्ता शुरु भैसकेको कार्यक्रम संयोजक बाँस्तोलाले जानकारी दिनुभयो ।