नेपाल प्रेस युनियन, सिन्धुपाल्चोको अध्यक्षमा ढुर्गा आचार्य चयन भएकी छिन् । बुधबार सम्पन्न प्रेस युनियनको पाँचौ जिल्ला अधिवेशनबाट आचार्यको नेतृत्वमा १६ सदस्यीय कार्यसमिति चयन भएको हो ।
युनियन सिन्धुपाल्चोक जिल्ला कार्यसमितिको खुला उपाध्यक्षमा किशोरकुमार बुढाथोकी, समावेशी उपाध्यक्षमा सुनिता भण्डारी र सचिवमा कमला पाख्रीन चयन भएकी छिन् । त्यस्तै महिला सह सचिव शान्ति श्रेष्ठ र कोषाध्यक्ष आदित्य दाहाल बनेका छन् ।
कार्यसमितिको खुला सदस्यहरुमा अनिश तिवारी, विजय नेपाल र निरोज चौलागाँइ निर्वाचित भएका छन् भने सरस्वती कार्की र सम्झना कार्की महिला सदस्य एवं प्रितम तामाङ र रजनी श्रेष्ठ (बेलीमाया) जनजाती सदस्यमा निर्वाचित भएका छन् । अल्पसंख्यक/आदिवासी सदस्यमा फुलमान तामाङ र थप खुला सदस्यमा किरण थापा र सन्तोष सिग्देल चयन भए ।