पोखरा,  पोखरा महानगरपालिका–२० भलामस्थित कालीखोलामा आज एक युवकको शव फेला परेको छ । पोखरा– १६ दीप बस्ने २२ वर्षीय अमृत बास्तोला मृतावस्थामा भेटिएको प्रदेश प्रहरीले जनाएको छ । ग १० प ८५४३ नम्बरको स्कुटरसहित बुधबारदेखि उनी हराएको पारिवारिक स्रोतले जनाएको छ । –––

पोखरा ,डाँफे बचत तथा ऋण सहकारी संस्था लिमिटेडको १०औं बार्षिक साधारण सभा तथा चौथो अधिबेशनले दयाराम आचार्यको अध्यक्षतामा ९ सदस्यीय नयाँ कार्य समिति सर्बसम्मत रुपमा चयन गरेको छ । जसको उपाध्यक्ष,सचिब र कोषाध्यक्षमा क्रमशःइश्वरी प्रसाद बाँस्तोला,नारायण प्रसाद आचार्य र हिमलाल आचार्य रहेका छन ।त्यसैगरि सदस्यहरुमा बिष्णू कूमारी आचार्य बाँस्तोला,रामजी प्रसाद तिवारी ,राधिकाअधिकारी,सिता चाँपागाई र मूत्तिनाथ आचार्य रहेका छन । ऋण उपसमितिको संयोजकमा मूत्तिनाथ आचार्य,लेखा तथा सूपरिबेक्षण समितिको संयोजकमा कृण्ण प्रसाद आचार्य,शिक्षा उपसमिति संयोजकमा भोजराज आचार्य र महिला उपसमिति संयोजकमा सरिता तिमिल्सना पगेनी चयन भएका छन । यसअघि कार्यक्रमको उद्घाटन गर्दे गण्डकी प्रदेशका भूमी ब्यबस्था कृषि तथा सहकारी मन्त्री लेख बहादूर थापामगरले सहकारीहरुले उत्पादन मूलक कार्यमा जोड दिन आग्रह गरे। सहकारी मार्फत स्वदेशमै  रोजगार सृजना गर्न सकिने बताउदै मन्त्री थापाले गण्डकी प्रदेशमा एक सहकारी एक उत्पादन को रुपमा अभियान संचालन गर्ने  आबश्यक रहेको  बताए।जिल्ला सहकारी संघ कास्कीका उपाध्यक्ष बलराम गौतमले सहकारी ऐन सहकारी मैत्रि नभएको उल्ल्लेख गर्दे यदि राज्यले सहकारीले उत्पादन मूलक क्षेत्रमा लगानी गरोस भन्ने  चाहान्छ भने  त्यसको लागि  सरकारले नीतिगत रुपमै ब्यबस्थ गर्नू पर्नेमा जोड दिए । संस्थाका अध्यक्ष माधब प्रसाद बाँस्तोलाको अध्यक्षतामा सम्पन्न कार्यक्रममा पोखरा महानगरपालिका वडा नं १९ का अध्यक्ष शोभामोहन पौडेल ,पोखरा उद्योग बाणिज्य संघका सदस्य बलराम आचार्य,जय मनकामना बचत तथा ऋण सहकारी संस्थाका उपाध्यक्ष नबिन भण्डारी ,डाँफे मसलन्द उत्पादक सहकारी संस्थाका अध्यक्ष शीब तिवारी, संस्थाका उपाध्यक्ष दीपा बाँस्तोला,सचिब ईश्वरी प्रसाद बाँस्तोला  लगाएतले बोलेका  थिए। कार्यक्रममा संस्थाको प्रगति प्रतिबेदन अध्यक्ष माधब प्रसाद बाँस्तोलाले प्रस्तूत गरेका थिए भने आर्थिक प्रतिबेदन कोषाध्यक्ष दयाराम आचार्य ले प्रस्तूत गरेका थिए ।त्यसैगरि लेखा समितिको प्रतिबेदन लेखा सूपेरिबेक्षण समिति का संयोजक कृण्ण प्रसाद गौतमले प्रस्तूत गरेका थिए।  कार्यक्रममा असल बचतकर्ता,असल ऋणी,एस इ इ परिक्षामा उतिर्ण शेयर सदस्यका छोराछोरीहरुलाई सम्मान समेत गरिएको थियो ।

  काठमाडौँ,  प्रमुख प्रतिपक्षी दल नेपाली काङ्ग्रेसले विजया दशमी, दिपावली, नेपाल संवत्, छठलगायत पर्वका अवसरमा शुक्रबार चियापान कार्यक्रमको आयोजना गर्दैछ । चियापान कार्यक्रममा विभिन्न क्षेत्रका करीब एक लाख व्यक्तित्वलाई निमन्त्रण गरिएको पार्टी प्रवक्ता विश्वप्रकाश शर्माले राससलाई जानकारी दिनुभयो । काङ्ग्रेसले शुक्रबार काठमाडौँ उपत्यकाको केन्द्रीय कार्यालयमा र बाँकी ७४ जिल्लामा चियापान कार्यक्रम आयोजना गरेको जनाएको छ । विसं २०३३ मा जननायक बिपी कोइराला राष्ट्रिय एकता तथा मेलमिलापको नीति लिइ स्वदेश फर्केपछि विसं २०३५ देखि प्रत्येक वर्ष काङ्ग्रेसले जलपान समारोह गरी शुभकामना आदानप्रदान गर्दै आएको छ । काङ्ग्रेसले यस वर्ष पनि निरन्तरता दिँदै यही कात्तिक १६ गते अपराह्न १ बजेदेखि साँझ ५ बजेसम्म केन्द्रीय कार्यालय ललितपुरमा शुभकामना आदानप्रदान तथा चियापान कार्यक्रमको आयोजना गरेको छ । कार्यक्रममा राजनीतिक दलका नेता, मन्त्रिपरिषद्का सदस्य, सांसद, संवैधानिक निकायका प्रमुख, सरकारका विशिष्ट श्रेणीका राष्ट्रसेवक, सुरक्षा निकायका प्रमुख, कूटनीतिक नियोगका प्रमुख, उद्योगपति एवं व्यवसायी, पेशागत एवं बुद्धिजीवी, नागरिक समाजका अगुवा, मानव अधिकारकर्मी, सञ्चार गृह, पत्रकार, गैरआवासीय नेपालीका सङ्घ–संस्थाका प्रमुखलगायतका विशिष्ट महानुभाव, काङ्ग्रेसका सदस्य एवं शुभेच्छुकको सहभागिता रहने प्रवक्ता शर्माले बताउनुभयो । हरेक वर्ष विजया दशमी कोजाग्रत पूर्णिमाका दिन आयोजना हुने काङ्ग्रेसको चियापान कार्यक्रम यस वर्ष पार्टीका नेता चक्रप्रसाद बास्तोलाको निधनको १३औँ दिन नपुगेका कारण कात्तिक १६ गते सारिएको हो । नेता बास्तोलाका गत असोज २७ गते निधन भएको थियो । काङ्ग्रेसले विसं २०७३ मा तत्कालीन पार्टी सभापति सुशील कोइरालाको निधनको वार्षिकी भएकाले र विसं २०७४ मा निर्वाचनका कारण चियापान कार्यक्रम आयोजना गर्न सकेको थिएन । –––

  लहान,  सिराहा नगरपालिका–६ बसबिटास्थित कमला खोलाको किनारमा हिजो साँझ एक युवतीको शव फेला परेको छ । सनाखत हुननसकेको अन्दाजी २५ वर्षीया ती युवतीको शव उक्त खोलाको किनारसंगैको खेतमा फेला परेको हो । तराईवासी जस्तो देखिने युवतीको शव शव परीक्षणका लागि सिरहा जिल्ला अस्पताल ल्याइएको जिल्ला प्रहरी कार्यालयका प्रहरी नायब उपरीक्षक माधवराज खरेलले जानकारी दिनुभयो । रातो कुर्था, कालो सुरुवाल, कालो सुइटर र निलो आकाशे रङ्गको सल लगाएकी ती युवतीको शव स्थानीयवासीले देखेपछि प्रहरीलाई खबर गरेका थिए । घटना सम्बन्धमा अनुसन्धान भइरहेको उहाँले बताउनुभयो ।