काठमाडौं– ‘लिलीविली’ जोडी प्रदीप खड्का र जसिता गुरुङको अभिनय रहने चलचित्र ‘लभ स्टेशन’ आगामी ५ असोजबाट छायांकनका लागि फ्लोरमा निस्कने भएको छ । निर्माण ब्यानर काफिया फिल्मस्ले सोमबार राजधानीमा एक कार्यक्रम गर्दै  चलचित्रको बिभिन्न पक्षबारे जानकारी दिएको हो । दार्जिलिङ देखि छायाँकन सुरु गरिने यो चलचित्रको निर्देशन उज्ज्वल घिमिरेले गर्दैछन् । कार्यक्रममा चलचित्रमा आवद्ध कलाकार तथा प्राबिधिकको जानकारी समेत दिइयो ।  प्रदीप र जसितासँगै मिस सिलगुढी श्रद्धा क्षत्री, निरुता सिंह, सरोज खनाल, प्रकाश शाह लगायतको अभिनय रहने चलचित्रको नाम ठाउँको आधारमा जुर्याइएको निर्देशक घिमिरेले बताए । ‘प्रदीप र जसिताको जोडी चलचित्रका लागि उपयुक्त भएकोले यो चलचित्र बन्न लागेको हो’ घिमिरेले थपे ‘चलचित्रको कथा पनि मेरै हो ।’ चलचित्र आफ्नो ड्रिम्स् प्रोजेक्सट भएको घिमिरेले खुलाए । स्क्रिप्ट राम्रो र सिनियर निर्देशक घिमिरेसँग काम गर्न पाउँदा आफु खुसी रहेको अभिनेता प्रदीपले बताए । उनले पारिवारिक प्रेमकथामा आधारित ‘लभ स्टेशन’ बिगतका चलचित्र भन्दा उत्कृष्ट बन्ने बताए । अभिनेत्री जसिताले पनि उज्ज्वल घिमिरे आफ्नै सफल निर्देशक भएकोले उहाँसँग काम गर्ने चाहना पहिले देखिनै रहेको बताइन् । उनले काफिया फिल्मस्ले फेरि आफुलाई प्रदीपको जोडीको रुपमा चयन गरेकोमा हर्सित रहेको सुनाइन् । गोविन्द शाही प्रस्तुतकर्ता रहेको चलचित्र दार्जिलिङपछि कालिङपोङ, सिक्किम, फिक्कल लगायतका स्थानमा छायाँकन हुनेछ । ४५ दिन छायाँकन अबधि तय गरिएको चलचित्र आगामी फागुनको अन्तिम साता प्रदर्शनमा आउने निर्माता गोबिन्द शाहीले बताए । आलोक शुक्लाको छायाँकन रहने लभ स्टेशनमा शम्भुजीत बासकोटा, दीपक शर्मा, राजनराज शिवाकोटी र एलिश कार्कीको संगीत रहने छ । दार्जिलिङका उमेश थापा लाईन प्रोड्युसर रहेको यो चलचित्रका निर्माण नियन्त्रकमा राजेन्द्र रावल छन् ।  लभ स्टेशनलाई काफिया फिल्म्स्को व्यानरमा काफिया शाही (क्रिसु) र कविर बिक्रम शाहीले निर्माण गर्न लागेका हुन् ।

यतिबेला महिला दिदीबहिनीलाई तीजको रौनकले छोइसकेको छ । हिन्दु नारीहरूको महत्वपूर्ण चाड पनि हो तीज । तीजमा दर खाने, खुसी साटासाट गर्नेदेखि उपहार आदान–प्रदान गर्नेसमेत गर्दछन् । यो तीजको रौनकले केहीलाई महिना दिन अगाडिदेखि नै छोएको छ भने कोही कामको चटारो मिलाएर तीज मनाउनतिर लागेका छन् । यो तीजले हाम्रा केही सेलिब्रेटीलाई व्यस्तसमेत बनाएको छ भने कोहीले परिवारसँग तीज मनाउन फुर्सदसमेत निकालेका छन् । के छन् कलाकार अर्थात् सेलिब्रेटीका तीज योजना उनीहरूकै शब्दमा । सञ्चिता लुइँटेल (अभिनेत्री)  विगतका वर्षहरूको तुलनामा यस पटकको तीज मेरो स्पेसल भइरहेको छ । दुई साता अगाडिदेखि नै म दरखाने कार्यक्रममा सहभागी भइरहेकी छु । तीजका विभिन्न उपहारसमेत हात परेका छन् । तीजको दिन व्रत बसेर घर नजिकको मन्दिरमा पुगेर महादेवको दर्शन गरेपछि यस पटकको तीज अझ स्पेसल हुने मेरो धारणा रहेको छ । दीपाश्री निरौला (अभिनेत्री निर्देशक) तीज विशेष चाड लाग्छ । तीजका लागि आवश्यक सबै ड्रेस ब्याङ्क्वेटले दिन्छ । त्यसैले सपिङ गर्नुपरेको छैन । व्रत पहिले पनि बस्थे । यो पटक पनि बस्छु । साहिमा श्रेष्ठ (गायिका) तीज मेरो मनपर्ने चाड हो । तर पनि तीजका लागि भनेर मैले खासै सपिङ गरेकी छैन । एक सारी र केही सुन किनेकी छु । दिदीबहिनी, साथीभाइसँग नाचगान गर्ने, मन्दिर जाने यस्तै यस्तै होला यस पटकको मेरो तीज । शिल्पा पोखरेल (अभिनेत्री) एक प्रोजेटको सिलसिलामा तीजमा म भारत हुनेछु । भारतमै तीज मनाउँछु । भारतमा भए पनि त्यहाँका नेपाली दिदीबहिनी नचाउने छु । आफू पनि उनीहरूसँगै नाच्ने छु । यो तीज भारतमा मनाउने भएकाले पनि मेरा लागि सम्झना योग्य हुनेछ । तीजका लागि केही सपिङ समेत गरेकी छु । सरिता लामिछाने (अभिनेत्री) तीजका लागि भनेर म कहिल्यै पनि धेरै सपिङ गर्दिनँ । आफ्नो संस्कार र संस्कृतिको रूपमा लिएको तीज सरल तरिकाले मनाउन मनपर्छ । म विवाीित नारी भएकाले पहिलेदेखि नै व्रत बस्दै आएकी छु । तर यस पटक बस्दिनँ होला । अहिले मेरो स्वास्थ्यमा समस्य देखिएको छ । यो समय व्रत बस्नु लाभदायक हुँदैन । यस पटकको तीज मेरा लागि नआएको जस्तो लागेको छ । मन दुखाउने तीज फिल भएको छ । हजुरआमादेखि साना नानीसम्म बलात्कृत भएको समाचारले अहिलेको तीज राम्रो महशुस भएको छैन । एन्जेला रेग्मी (गायिका)  तीजका लागि भनेर यो वर्ष आफैले एक तीज गीत पनि ल्याएकी छु । कार्यक्रमहरू थुप्रै छन् । भ्याई नभ्याई छ । तीजकै दिन चितवनमा कार्यक्रममा छ । त्यसमा सहभागी हुन्छु । तीजका लागि भनेर स्पेसल सपिङ केही गरेकी छैन । हल्काफुल्का सपिङ भने गरेको छु । तीजको व्रत अहिलेसम्म बसेको पनि छैन । यस पटक पनि धेरै कार्यक्रम भएकाले बस्दिनँ । आफ्नो मनको साथीका लागि व्रत बस्ने हो । व्रतले स्वास्थ्यलाई पनि राम्रो गर्छ भन्ने मेरो धारणा छ । खुस्बु खड्का (अभिनेत्री)  तीजका लागि भनेर सारी किनेकी छु । तीज मेरो मनपर्ने चाड हो । म पहिलेदेखि नै तीजको व्रत बस्दै आएकी छु । व्रत बस्ने, आमाले पकाको दर खाने, मन्दिर जाने र दिदीबहिनीहरूसँग नाचगान गरेर तीज भव्य बनाउने सोचेकी छु । हेरौँ के हुन्छ । भूमिका गिरी (लोक गायिका)  तीज हिन्दु नारीहरूको महान चाड हो । म पनि नारी भएकाले तीज विशेष लाग्छ । देश विदेशमा आयोजना हुने विभिन्न कार्यक्रममा सहभागी हुनु पर्ने भएकाले मैले तीजका लागि साडीहरू सपिङ गरेकी छु । व्रत बस्दिनँ । केही दिन पहिले दुबईको तीज कार्यक्रममा सकेर अहिले जापान आएकी छु । जापान निवासी नेपाली दिदीबहिनीहरूसँग तीज रमाइलो गर्न मनाउँछु । रजनी केसी (अभिनेत्री)  तीज मेरो मनपर्ने चाडमध्येको एक हो । यो चाडमा विशेष पनि लाग्छ । अहिले देशबाहिर भएको कारण यो वर्ष तीज आफन्तसँग मनाउन पाउँदिनँ । विदेशमा भए पनि धेरै कार्यक्रममा सहभागी हुनपर्ने छ । तीजका लागि भनेर स्पेसल ड्रेस सारी किनेकी छु । सारी लगाएर मज्जाले नाच्ने योजना छ । धार्मिक आस्थाका लागि व्रत बस्दै आएकी छु । व्रतले आफ्नो स्वास्थ्य पनि राम्रो हुन्छ भन्ने मेरो धारणा छ । अञ्जु निरौला (मोडल) तीजका लागि भनेर खासै सपिङ गरेकी छैन । तीज मेरो मनपर्ने चाडमध्येको एक हो । मैले जानेबुझेदेखि नै तीजको व्रत बस्दै आइरहेकी छु । आफूभन्दा ठूला दिदी, आमालगायतले व्रत बसेको देखेर म पनि बस्न थालेकी हुँ । दिदी बहिनी, आमाहरूसँग नाचगान गर्ने, मन्दिर जाने, दर खाने यस्तै यस्तै छ योजना । निरु खड्का (अभिनेत्री) तीजकै लागि भन दिदीहरू तथा आफ्ना लागि चुरा र सारीहरू किनेकी छु । आआफ्नो काममा ब्यस्त हुने हामी सबैलाई यो चाडले भेटघाटको अवसर पनि जुराउने गर्दछ । यसकारण पनि तीज विशेष लाग्छ । धेरै तीज कार्यक्रममा बोलाएका छन् । भ्याई नभ्याई छ । भ्याएसम्म पुग्छु । व्रत बस्छु । नाचगान गर्छु । सरिता प्रजाप्रती (गायिका) तीज भनेपछि निकै रमाइलो लाग्छ । १५ वर्षको उमेरदेखि तीज विशेष तवरले बनाउँदै आएकी छु । म शिवजी भक्त पनि हुँ । श्रीमानको आयु लामो होस् भनेर व्रत बस्ने चलन मलाई राम्रो लाग्छ । तीजका लागि ब्याग जुत्ता किनिसकेकी छु । अन्य केही किन्न बाँकी छ । आझ त्यो पनि सकाउँछु । तीज भन्दैमा म दिनभर खाली पेट बस्दिनँ । स्वास्थ्यमा समस्या आउने भएकाले फलफूल खान्छु । तीजको दिन गीत गाएर दिदी बहिनी र साथीहरूलाई नचाउँछु । अश्लेषा ठकुरी (अभिनेत्री) तीजकै लागि भनेर मैले पनि ‘स्वमीज्यू..’ बोलको  गीत निकालेकी छु । विभिन्न कार्यक्रममा बोलाएका छन् । गएर  त्यही गीत गाउँछु, नाच्छु र अरूलाई पनि नचाउँछु । व्रत बस्छु, मन्दिर गएर भगवानको दर्शनसमेत गर्छु । ज्योती मगर (गायिका) तीज मेरो मनपर्ने चाड हो । पहिले व्रत बस्थेँ । अहिले बस्दिनँ । भगवानसँग केही माग्नु पनि छैन । सबै पुगेको छ । सबै दिइसक्नु भएको छ । तीजका लागि सपिङ गर्नु पर्दैन । किनभने तीजको गीतको भिडियो सुटिङका लागि  केही पहिले धेरै सपिङ गरेकी छु । पहिले जस्तो रमाइलो यो वर्ष लागेको छैन । म भारतको सिमला कार्यक्रमको लागि जाँदै पनि छु । दीपिका प्रसार्इं (अभिनेत्री) तीज पहिलेदेखि नै मनपर्ने चाड हो । तीजको लागि भनेर विशेष केही सपिङ गरेकी छैन । सुटिङका लागि जहिले पनि सपिङ गरिरहेकी हुन्छु । दरखाने, साथीहरू, दिदीबहिनी र आफन्तसँग नाचगान गर्ने, मन्दिर जाने योजना छ । अन्य त्यस्तो खास योजना बनाएकी छैन । सिलु भट्टराई (गायिका) बिनाअर्थको खर्च मलाई खासै मन पर्दैन । आफूसँग जे छ, त्यसमै रमाइलो गर्न मनपर्छ । गतवर्ष किनेको साडी यो वर्ष पनि लगाउँछु । व्रत बस्दैमा सबै कुरा पूरा हुन्छ भन्ने होइन । साँचो मनले गरेको हरेक काम कुरा पूरा हुन्छ । केही नखाई व्रत बस्नुपर्छ भन्ने मलाई लाग्दैन । हामी कलाकार कामले हिँडिरहनुपर्ने हुन्छ । त्यसैले योजना बनाएकी छैन । लक्ष्मी आचार्य (गायिका)  यो तीज स्वदेशमै मनाउने विचारमा छु । तीजका कार्यक्रमहरूको भ्याई नभ्याई निम्तो छ । सायद बिजी पनि हुन्छु । आफ्नो दिदी बैनीहरूसँग मज्जाले नाच्छु । तीजका लागि पनि विशेष सपिङ गरेकी छु । व्रत बस्छु । यो चलन राम्रो लाग्छ । अरूका लागि भन्दा पनि आफ्नो खुसीका लागि व्रत बस्दै आएकी छु । व्रत बस्न थालेको पनि झन्डै ६ वर्ष भयो । वर्ष दिनमा एक पटक आउने यो चाड मलाई मनपर्छ ।

एजेन्सी । भारतीय अभिनेत्री कल्की कोचलिनको विचारमा समाजले ‘विवाह’ नामको संस्थालाई यसरी बनाएको छ कि यसमा महिलालाई कमजोर रुपमा हेरिन्छ । कल्कीले शैली चोपडा तथा मेघना पन्तद्वारा लिखित किताब ‘फेमनिस्ट रानी’को विमोचन समारोहमा बोल्ने क्रममा यी कुरा बताएकी हुन् । उनले विवाहबारे थप बोल्दै एक महिलाको लागि विवाहलाई लिएर रहेको ‘सबैभन्दा ठूलो समस्या’ भनेको योसँग जोडिएर आउने ‘स्वामित्व’को विचार हो भनिन् । कल्की र अर्का फिल्मकर्मी अनुराग कश्यपले सन् २०११ मा विवाह गरेका थिए तर, दुई वर्ष पछि दुई अलग भएका थिए र सन् २०१५ मा दुईको सम्बन्धविच्छेद भयो । उनका अनुसार विवाहपछि उनलाई तब मात्र कतै आमन्त्रित गरिन्थो जब अनुरागलाई आमन्त्रित गरिन्थ्यो । मानिसहरु उनलाई ‘अनुरागको पत्नी’ भन्थे तर अनुरागलाई कहिल्यै पनि ‘कल्कीको पति’ भन्दैनथे । त्यही कारण विवाह नामको संस्थाले महिला कमजोर बनाउने बताइन् । यहाँसम्म कि पतिले चाहँदा पनि ऊ कमजोर नै महिला रहन्छिन् । उनले समाजले यो संस्थालाई यही हिसाबमा नै बनाएको जिकिर गरिन् । कल्कीले कुनै पनि सम्बन्धलाई सफल बनाउन इमान्दारीता र स्वतन्त्रता आवश्यक हुने बताइन् । कल्कीले सम्बोधनको क्रममा सम्बन्धविच्छेद पछि आफू कुन प्रक्रियाबाट गुज्रेको पनि खुलाइन् । उनले भनिन्, “मैले आफैलाई लामो समयसम्म एक्ली पाए । मलाई जसरी पनि त्यो खालीपन भर्नु थियो । म आफूभित्रको खालिपनलाई कुनै प्रकारको पागलपनबाट वा रक्सी सेवनबाट वा हरेक समय मानिसहरुबाट घेरिएर भर्न चाहन्न थिएँ । मैले आफैलाई भर्नको लागि अन्तरमुखी बाटो चुने र घरमा रहनुको साथै परिवारका सदस्यहरुसँग बढी समय बिताउन थालेँ । अहिले सम्झिदाँ म त्यो खालको यात्राबाट गुज्रिएकोमा खुसी छु ।’ कार्यक्रमको दौराना कल्कीले आफ्नो फिल्मी करिअर र फेमिनिज्मबारे पनि कुरा गरिन् । उनले सबै मानिसहरु समान भएको र एकअर्कोलाई सम्मान गर्नु पर्ने बताइन् । उनले भनिन्, “हामी एक पितृसत्तात्मक समाजमा छौँ । यही कारण ‘फेमिनिज्म’ शब्दलाई पितृसत्ताको विरुद्ध प्रयोग गरिन्छ तर फेमिनिज्मको मतलब बराबर हुनुसँग रहेको छ । मलाई ‘समानतावादी’ शब्द प्रयोग हुनुपर्छ लाग्छ किनकी यस सबै मानिसहरुलाई बराबार भएको र एकअर्कोको लागि सम्मान गर्ने कुरा गर्छ ।” मार्गरिटा अफ अ स्ट्र, द्याट गर्ल इन यल्लो बुट्स र वेटिंगजस्ता फिल्महरुमा गैर–परम्परिक भूमिका निभाउने यी अभिनेत्रीले आफ्नो गैर–परम्परागत भूमिकाको रोजाईले आफूले सिनेमा र वास्तविक जीवनमा कुनै ठूलो मुल्य चुकाउन नपरेको बताइन् ।

काठमाडौं –कामना प्रकाशनले सिजी कामना फिल्म अवार्ड्सको चौथो संस्करणको मनोनयन सूची सार्वजनिक गरिएको छ । ०७४ साल १ वैशाखेदेखि चैत मसान्तसम्म सार्वजनिक रुपमा प्रदर्शनमा आएका चलचित्रमध्यबाट निर्णायक मण्डलले उत्कृष्ट ५ मनोनयनको सूची सार्वजनिक गरेको हो । ३१ विधामा प्रदान गरिने चौथो संस्करणको सिजी कामना फिल्म अवार्डस् २०७५ अन्र्तगत सर्वोत्कृष्ट चलचित्र विधामा ब्लाइन्ड रक्स, घामपानी, कृ, लीली बीली र शत्रु गते मनोयनमा परेका छन्, भने निर्देशकमा दीपाश्री निरौला, मिलन चाम्स, नवल नेपाल, प्रदीप भट्टराई र सुरेन्द्र पौडेल मनोनयनमा परेका छन् । त्यसैगरी अभिनेता तर्फ दीपकराज गिरी, दयाहाङ राई, सौगात मल्ल, अनमोल केसी, प्रदीप खड्का र पुष्प खड्का मनोनयमा छन् भने अभिनेत्री तर्पm बेनिषा हमाल, मेनुका प्रधान, नीता ढुंगाना, प्रियंका कार्की, सारा सिरपाली र शिल्पा पोखरेल मनोनयमा परेका छन् । मनोयनमा सूचिमा छक्का पञ्जा २ सर्वाधिक धेरै १५ विधाको मनोनयनमा परेको छ । कृ १३ र ए मेरो हजुर २ एघार विधाको मनोयनमा परेका छन् । यसैगरी लिलीबिली १० विधाको मनोनयमा परेको छ । अवार्डमा चलचित्र क्षेत्रमा पु¥याएको योगदानको आधारमा १ लाख रुपियाँ नगदसहित कीर्तिमय दीर्घ योगदान सम्मान ९लाइफ टाइम अचिभमेन्ट अवार्ड०,  निर्णायक मण्डलको आधारमा जुरी अवार्ड प्रदान गरिनेछ । संगीत, फेशन र नाट्य विधामा सिजी क्रिटिक्स अवार्ड पनि प्रदान गरिनेछ । उत्कृष्ट ५ को मनोनयमा परेका ९ लोकप्रिय विधामा एसएमएस भोटिङको व्यबस्था गरिएको छ । ती ९ विधामा ९० प्रतिशत अंक निर्णायक मण्डल र १० प्रतिशत अंक एसएमएस भोटिङबाट मिलाई विजेता चयन आयोजकले जनाएको छ । चौथो संस्करणको सिजी कामना फिल्म अवार्डस् २०७५ समग्र फिल्म क्षेत्र र फिल्मकर्मीमा समर्पित हुने अवार्ड आयोजकले जनाएको छ । उत्कृष्ट ५ को मनोनयन सूची विधाः सर्वोत्कृष्ट चलचित्र ब्लाइन्ड रक्स घामपानी कृ लीली बीली शत्रु गते विधाः सर्वोत्कृष्ट निर्देशक दीपाश्री निरौला – छक्का पञ्जा २ मिलन चाम्स – लीली बीली नवल नेपाल – मंगलम प्रदीप भट्टराई – शत्रु गते सुरेन्द्र पौडेल – कृ विधा ः सर्वोत्कृष्ट नवनिर्देशक झरना थापा – ए मेरो हजुर २ नवराज बुढाथोकी – भुइँमान्छे घामपानी – दिपेन्द्र लामा पुर्णेन्दु झा – संरक्षण आर। राजवंशी – शेरबहादुर विधा ः  सर्वोत्कृष्ट अभिनेता दीपकराज गिरी – छक्का पञ्जा २ दायाहाङ राई – घामपानी सौगात मल्ल – झ्यानाकुटी अनमोल केसी – कृ प्रदीप खड्का – लीली बीली पुष्प खड्का – मंगलम विधाः  सर्वोत्कृष्ट अभिनेतृ बेनीषा हमाल – ब्लाइन्ड रक्स मेनुका प्रधान – शेरबहादुर नीता ढुंगाना – पञ्चायत प्रियंका कार्की – शत्रु गते सारा सिरपाली – पिंजडा ब्याक अगेन शील्पा पोखरेल – मंगलम विधा ः सर्वोत्कृष्ट नवअभिनेता सलीनमान बानीया – ए मेरो हजुर २ स्वरुपपुरुष ढकाल – छक्कापञ्जा २ आशीरमान देशराज श्रेष्ठ जोशी – ग्याङस्टर ब्लुज सुरज पाण्डे – लभ लभ लभ शारुक ताम्राकार – रानी विधा ः सर्वोत्कृष्ट नवअभिनेत्री अदिती बुढाथोकी  – कृ दिपीका प्रसाईं – ऐश्वर्य जसिता गुरुङ – लीली बीली सारा सिरपाली – रुद्र सीपोरा गुरुङ – भुइँमान्छे विधाः  सर्वोत्कृष्ट सहअभिनेता सलोन बस्नेत – ए मेरो हजुर २ जितु नेपाल – छक्का पञ्जा २ प्रमोद अग्रहरी – संरक्षण शिवहरी पौडेल – शत्रु गते रविन्द्र झा – शेरबहादुर विधाः सर्वोत्कृष्ट सहअभिनेतृ अनु शाह – कान्छी वर्षा राउत – छक्का पञ्जा २ मिथिला शर्मा – आधा लभ रोजीषा शाही – ग्याङस्टर ब्लुज रुपा राना – कृ विधाः सर्वोत्कृष्ट खलपात्र अनुपविक्रम – शाही कृ विपीन कार्की – नाका प्रशान्त ताम्राकार – ऐश्वर्य पुकार भट्टराई – पिंजडा ब्याक अगेन रमेश रञ्जन झा – संरक्षण विधा ः सर्वोत्कृष्ट हास्य कलाकार केदार घिमिरे – छक्का पञ्जा २ जयनन्द लामा – छक्का पञ्जा २ बुद्धी तामाङ – दुई रुपैंया राजाराम पौडेल – म यस्तो गीत गाउँछु शिवहरी पौडेल – शत्रु गते विधा ः सर्वोत्कृष्ट बालकलाकार अनुभव रेग्मी – ए मेरो हजुर २ विनोद मगराती – आधा लभ पिंजडा ब्याक अगेन – कुशाग्र भट्टराई सौरभ शाह – कृ स्वदीता सापकोटा – भुइँमान्छे विधा ः सर्वोत्कृष्ट  कथा नवराज बुढाथोकी – भुइँमान्छे यम थापा – ब्लाइन्ड रक्स दिपेन्द्र लामा – घामपानी प्रदीप भारद्वाज – झ्यानाकुटी शिवम अधिकारी – पञ्चायत विधा ः सर्वोत्कृष्ट पटकथा दीपकराज गिरी – छक्कापञ्जा २ दीपकराज गिरी÷प्रदीप भट्टराई – शत्रु गते नवल नेपाल – मंगलम नवराज बुढाथोकी – भुइँमान्छे लीली बीली – प्रदीप भारद्वाज विधा ः सर्वोत्कृष्ट संवाद दीपकराज गिरी÷जितु नेपाल÷केदार घिमिरे÷अभिमन्यु निरबी – छक्कापञ्जा २ गोविन्द फुयाँल÷नवल – नेपाल मंगलम हरिवंश आचार्य÷प्रदीप भट्टराई – शत्रु गते नवराज बुढाथोकी – भुइँमान्छे शिवम अधिकारी – पञ्चायत विधा ः सर्वोत्कृष्ट गीतकार अर्जुन पोखरेल – तिमी रोएको पल÷ऐश्वर्य धिरेन्द्र प्रेमर्षी  – सम्झनाको सारंगी÷संरक्षण डा। कृष्णहरी बराल – ए मेरो हजुर÷ए मेरो हजुर २ कालीप्रसाद बास्कोटा÷सबिन एकतारे –अजम्बरी÷ग्यांग्स्टर ब्लुज मुक्त उदास – तिमी नी आधा÷पिंजडा ब्याक अगेन विधाः सर्वोत्कृष्ट संगीतकार बसन्त सापकोटा – मलाई आँखामा÷ए मेरो हजुर २ अर्जुन पोखरेल – तिमी रोएको पल÷ऐश्वर्य हरी लम्साल – उड्यो मन÷ब्लाइन्ड रक्स राजनराज शिवाकोटी – कुटुमा कुटु÷दुई रुपैंया दीपक शर्मा – पर्ख पर्ख÷मंगलम विधाः सर्वोत्कृष्ट पाश्र्वगायक कालीप्रसाद बास्कोटा – ओडौंला पिरतीको÷शत्रुगते कृष्ण काफ्ले – पर्ख पर्ख÷मंगलम सुगम पोखरेल – भन्छु आज÷म यस्तो गीत गाउँछु सुगम पोखरेल – तिमी रोएको पल÷ऐश्वर्य स्वरुपराज आचार्य – सम्झनाको सारंगी÷संरक्षण विधाः सर्वोत्कृष्ट पाश्र्वगायिका अञ्जु पन्त – भन्छु आज÷म यस्तो गीत गाउँछु बानिका प्रधान –उड्यो मन÷ब्लाइन्ड रक्स विन्दु परियार – पर्ख पर्ख÷मंगलम मेलिना राई – कुटुमा कुटु÷दुई रुपैयाँ मीना निरौला – रुपै मोहनी÷शत्रु गते विधाः सर्वोत्कृष्ट नृत्य निर्देशक कविराज गहतराज – आँखैमा÷ ए मेरो हजुर २ कविराज गहतराज – इन्जीन गाडीमा÷लीली बिली कविराज गहतराज – कुटुमा कुटु÷दुई रुपैयाँ कविराज गहतराज – पर्ख पर्ख÷मंगलम मिलन चाम्स – उड्यो मन÷ब्लाइन्ड रक्स विधाः सर्वोत्कृष्ट द्वन्द निर्देशक चन्द्र पन्त – कृ हिमाल केसी – संरक्षण हिमाल केसी – पिजंडा ब्याक अगेन रोशन श्रेष्ठ – छक्का पञ्जा २ सम्राट थापा – ग्याङस्टर ब्लुज विधाः सर्वोत्कृष्ट छायांकन सञ्जय लामा – ए मेरो हजुर २ दीर्घ गुरुङ – छक्का पञ्जा २ पुरुषोत्तम प्रधान – कृ सुदीप बराल – लीली बीली सञ्जय लामा – म यस्तो गीत गाउँछु विधा ः सम्पादन अर्जुन जीसी – लीली बीली बनीष शाह – ए मेरो हजुर २ बिपीन मल्ल – छक्का पञ्जा २ सन्दिप अधिकारी÷बनीष शाह – कान्छी सुरेन्द्र पौडेल – कृ विधा ः पाश्र्वसंगीत शैलेश श्रेष्ठ – ए मेरो हजुर २ सुजिल कर्मचार्य – छक्का पञ्जा २ शैलेश श्रेष्ठ – कृ एलिष कार्की – लीली बिली सैलेश श्रेष्ठ – म यस्तो गीत गाउँछु विधा ः ध्वनी मिश्रण उत्तम न्यौपाने – ए मेरो हजुर २ सुनयमान श्रेष्ठ – छक्का पञ्जा २ उत्तम न्यौपाने – कृ मुकेष शाह – लीली बिली सुनयमान श्रेष्ठ – संरक्षण विधा – श्रृंगार अमृत मरहठ्ठा – पञ्चायत सीजी थापा – भुइँमान्छे निमा लामा –  कृ शंकर थापा – घामपानी श्याम बराल – छक्का पञ्जा २