कविराज खनाल चितवन। पर्यटन प्रर्वद्धनकाका लागि होटल तथा रेस्टुरेन्ट एसोसिएसन लेखनाथले १७ औँ वार्षिक साधारण सभा तथा अन्तक्र्रिया कार्यक्रम चितवनको रत्ननगर नगरपालिका सौराहामा सम्पन्न गरेको छ । पोखरा महानगरपालिका वडा नं–३१ बेगनासताल मा रहेको सो संस्थाले चितवनको सौराहामा वार्षिक साधारण सभा गरेको हो । साधारण सभाको अवसर पारेर एसोसिएसनले सौराहा र लेखनाथको पर्यटन विकास सम्बन्धी अन्तक्र्रिया एवं परिचयात्मक कार्यक्रम गरेको हो । दुवै क्षेत्रका जनप्रतिनिधि र व्यवसायी सहभागी उक्त कार्यक्रममा वक्ताहरुले पोखरा र सौराहाबीच पर्यटन सहकार्य र पर्यटन क्षेत्रलाई पुनरुत्थान गर्न आवश्यक रहेको बताएका थिए । कार्यक्रमको उद्धघाटन गर्दे प्रमुख अतिथि पोखरा महानगरपालिका वडा नं–३१ का वडाध्यक्ष ढकनाथ कँडेलले पर्यटन विकासका लागि व्यवसायीबीचको एकता आवश्यक रहेको बताए । उनले सात तालको वाटिका लेखनाथवाट हिमश्रृखलाहरु दृष्यावलोकन गर्न सकिने सातवटै ताल सहज घुम्न सकिने, विभिन्न प्रकारका माछाका परिकारका लागि यो क्षेत्र प्रख्यात रहेको र पर्यटकीय हिसाबले उत्कृष्ट गन्तव्य रहेको भन्दै यसको प्रचारप्रसार आवश्यक रहेको उनले बताए । यसैगरी दुवै क्षेत्रका व्यवसायीले सौराहा आएका पर्यटकलाई लेखनाथ जाने र लेखनाथमा रहेका पर्यटकलाई सौराहा आउने वातावरण व्यवसायीको एकताबाट मात्र सम्भव भएको बताए । होटल तथा रेस्टुरेन्ट एसोसिएसन लेखनाथका अध्यक्ष वीरभक्त कँडेलले संस्था मार्फत पर्यटकीय कृयाकलापमा भ्रमण, होटेल व्यवसायीलाई प्रशिक्षण पर्यटनलाई थप चलायमान बनाउन र पर्यटन क्षेत्रलाई पुनरउत्थानका लागि सवै सदस्यलाई आग्रह गर्दै यस प्रकारका कार्यक्रमले दुवै पर्यटकीय ठाउँका पर्यटनलाई चलायमान बनाउदै भातृत्व सम्बन्ध प्रगाढ बनाउन आग्रह पनि गरे । लेखनाथ उद्योग वाणिज्य संघका अध्यक्ष विनोद श्रेष्ठले पोखराको काखमा रहेको लेखनाथको पर्यटन प्रकृतिमा निर्भर रहेको बताए बताउदै नजिकै आउदै गरेको लेखनाथ महोत्सव अवलोकन गर्न चितवन वासीलाई आग्रह गरे । क्षेत्रीय होटल संघ सौराहाका उपाध्यक्ष ओमप्रकाश पाण्डेले सौराहा र पोखराको पर्यटकीय विशेषता फरक–फरकरहेको भन्दै दुवै तर्फका होटल तथा रेष्टुरेनटका व्यवसायी विच सहकार्य र एकतावद्ध भएर अगाडि बढ्दा उपयुक्त हुने बताए । रत्ननगर उद्योग वाणिज्य संघका अध्यक्षशंकर गिरीले सफारी पर्यटनको हिसाबले प्रख्यात सौराहाको पर्यटन विकासमा व्यवसायी र स्थानीय सरकारको सहकार्य अनिवार्य रहेको बताए ।   होटल तथा रेस्टुरेन्ट एसोसिएसन लेखनाथका अध्यक्ष वीरभक्त कँडेलको अध्यक्षतामा भएको कार्यक्रममा रेवान सौराहाका पूर्वअध्यक्ष गोकर्ण गिरीले र महासचिव सुरेश लामिछाने, रत्ननगर नगरपालिका वडा नं–६ की कार्यवाहक वडाध्यक्ष केशरीमाया सुनार, चितवन उद्योग संघ रत्ननगरका अध्यक्ष उमाकान्त पौडेल, एसोसिएसनका निवर्तमान अध्यक्ष अर्जुन लम्साल लगायतले आ आफ्नो मन्तव्य राखेकाा थिए संस्थाकी सदस्य एवं लेखनाथ उद्योग वाणिज्य संघकी महासचिव जानुका पराजुलीले स्वागत मन्तव्य राखेको सो कार्यक्रमको संचालन संस्थाका महासचिव सुरेश लामिछानेले गरेका थिए ।

  पोखरा। नेपाल बार एसोसिएसनको ५०औं कार्यकारिणी परिषद बैठक साेमवार पोखरामा सुरु भएको छ । बैठकको उदघाटन गर्दै गण्डकीका मुख्यमन्त्री सुरेन्द्र राज पाण्डेले जनतालाई न्याय दिलाउन, अदालतलाई न्यायीक स्वतन्त्रता दिलाउनकालागी बार एसोसिएसन निरन्तर लागिरहन आग्रह गरे । न्यायपालिकाभित्र विकृति मौलाएको भन्दै नेपाल बार एसोसिएसनले त्यसको विरुद्धमा छेडेको आन्दोलनलाई जारी राख्ने उद्घोषका साथ पोखरा बैठक सुरु भएको नेपाल बार एसोसिएसनका केन्द्रीय अध्यक्ष गोपालकृष्ण घिमिरेले बताए । त्य्स्तै पोखराका मेयर धनराज आचार्यले  समाज विकासकालागी मानव अधिकार मुख्य विषय रहेको बताए ।  उनले  देशमा संघीयता आइसकेको परिपेक्षमा संविधान सही ढङ्गले कार्यान्वयन भए न भएको विषयमा बारले ध्यान दिन आग्रह गरे । बरिष्ठ अधिवक्ता कृष्ण बहादुर थापले नेपालको गणतान्त्रिक संविधान भएपनी सम्बिधान कार्यान्वयनको सन्दर्भमा फितलो देखिएको बताए । उनले नेपाल बार प्रतिपक्ष न भए पनि सरकारले गरेका काम कार्वाहीलाई खवरदारी गर्ने र कानून अनुसारको शासन होस भन्ने धेय रहेको बताए । बारले आवाज उठाउने , कमिकमजोरी औल्याइदिने बताउदै सम्बन्धित पक्षले आफ्ना कामकारबाही चुस्तदुरुस्त बनाउदै जानू पर्ने बरिष्ठ अधिवक्ता कृष्ण बहादुर थापले बताए । अदालतको भ्रस्टाचार र बेथितिको बारेमा आवाज उठाउदा बारका अध्यक्षले अपहेलनाको मुद्दा  खेप्नु परेको बारका पुर्व उपाध्यक्ष वरिष्ठ अधिवक्ता रक्षा बस्यालले बताइन । उनले कानून ब्यवसायी र अदालत एक सिक्काका दुई पाटा भनिए पनि त्यसो हुन नसकेको बताइन । गण्डकी प्रदेशका मुख्यन्यायाधिवक्ता चिरञ्जीवी शर्माले संघीयता अनुरुप न्यायपालिका अर्थात अदालतको  पुनर्संरचना गर्नुपर्नेमा जिड दिए । सम्बिधानले तोकेको प्रदेश न्यायपालिका बनाउने कुरा उठेपनि संघीयता कार्यान्वयन नहुदा प्रदेशमा बसेर काम गर्न गारो भएको उनको भनाई थियो । न्यायपालिकाको काम कामकारबाही चुस्तदुरुस्त नहुदा  भ्रष्टाचार मौलाउदै गएकोले त्यस तर्फ आवाज उठाउन बारलाई आग्रह गरे । नेपाल बार एशोसिएशनका केन्द्रीय अध्यक्ष गोपाल घिमिरेको अध्यतामा सुरु भएको सम्म्मेलन भोलिसम्म चल्नेछ ।  बैठकमा विभिन्न एजेन्डामा छलफल हुने  बताइएको छ । बैठकमा देशैभरबाट करिव १ हजार अधिवक्ताहरुको सहभागिता रहेको छ ।

  पोखरा । आगामी पुषको २५ देखी माघको ७ गते सम्म पोखराको अमरसिंह चौरमा आयोजना हुने तेह्रौं संस्करणको पोखरा महोत्सवलाई अमरसिंहचोकमा रहेको पोखरा सेकुवा घरले फुड पार्टनरमा रही सहकार्य गर्ने भएको छ । महोत्सव आयोजक युनाईटेड क्लबका अध्यक्ष लोक बहादुर थापा र पोखरा सेकुवा घरका सञ्चालक चिन बहादुर गुरुङ बीच पोखरा महोत्सवलाई सफल पार्न एक अर्का बीच सहकार्य गर्ने सहमति भएको छ । सहमति पत्रमा हस्ताक्षर गर्दै पोखरा सेकुवा घरका सञ्चालक चिन बहादुर गुरुङले हालै सञ्चालनमा आएको पोखरा सेकुवा घरले पोखराको ब्राण्डको रुपमा रहेको पोखरा महोत्सव संग सहकार्य गर्न पाउदा खुसी लागेको वताए । युनाईटेड क्लब पोखराले पोखरा महोत्सवको आयोजना गरी सामाजिक काममा अगाडी वढिरहदा तेह्रौ संस्करणको पोखरा महोत्सवमा सहकार्य गरेर आफ्नो व्यवसायको प्रवद्र्धन संगै सामाजिक काममा सहकार्य गर्न पाउदा निकै खुसी लागेको बताए । महोत्सव स्थल अमरसिंह चौरको पूर्वतर्फ रहेको पोखरा सेकुवा घरले पोखरा महोत्सव अवधिभर महोत्सवमा आउने दर्शकलाई फुड आइटममा १० प्रतिशत छुट उपलब्ध गराउने सञ्चालक गुरुङले वताए । पोखरा सेकुवा घरमा चिकन, मटन, बफ, पोर्क सेकुवा संगै खाजाका विभिन्न परिकारहरु उपलब्ध रहेको छ । सेकुवा घरमा एकै पटकमा दुई सय जनाको क्षमता रहेको र तीस जना अट्ने बैठक हल समेत रहेको र हाल १३ जनाले प्रत्यक्ष रोजगार पाएका छन । पोखरा सेकुवा घरका सञ्चालक चिन बहादुर गुरुङले अमरसिंह र लेकसाइडमा पोखरा मिट मार्ट समेत सञ्चालन गर्दै आइरहेको र अघिल्लो संस्करणको पोखरा महोत्सवमा समेत मिट मार्टको तर्फबाट महोत्सवमा सहकार्य गर्दै आइरहेको छ । सो अवसरमा वोल्दै महोत्सव आयोजक युनाईटेड क्लबका अध्यक्ष लोक बहादुर थापाले पोखरा सेकुवा घर जस्तै सहयोगीहरुको साथ र सहयोगलेनै पोखरा महोत्सव १३ औं संस्करण सम्म आइपुगेको वताउदै पोखरा सेकुवा घर संघ सहकार्य गर्न पाउदा गर्व लागेको वताए । सो अवसरमा महोत्सव आयोजक युनाईटेड क्लबका वरिष्ठ उपाध्यक्ष गणेश तिमिल्सिना, प्रथम उपाध्यक्ष सूर्य बहादुर बानियाँ, महासचिव दिनेश सुनार, सदस्य पूर्ण कुमार श्रेष्ठ, सल्लाहकार रमेश बहादुर कार्की लगायतको सहभागीता रहेको थियो ।