कञ्चनपुर, पूर्व–पश्चिम महेन्द्र राजमार्ग अन्तर्गत कञ्चनपुरको भाँसीमा बसले मोटरसाइकललाई ठक्कर दिँदा मोटरसाइकल चालक बेलौरी नगरपालिका–१०, भुडाका श्रवण कुमार चौधरीको मृत्यु भएको छ । आज अपरान्ह महेन्द्रनगर देखि से ४ प ८१८८ नम्बरको मोटरसाइकलमा बेलौरी घरतिर फर्कने बेला महेन्द्रनगर तर्फ गइरहेको बसले ठक्कर दिएको कञ्चनपुर प्रहरीले जनाएको छ । ठक्कर दिने बसको नम्बर पहिचान गर्न नसकिएको बताइएको छ । दुर्घटनामा परेका चौधरीलाई स्थानीय र प्रहरीले उद्धार गरी महाकाली अञ्चल अस्पताल पुर्याउनु अगाडी नै उनको मृत्यु भइसकेको अस्पताल श्रोतले जनाएको छ । मृतकको शव महाकाली अञ्चल अस्पतालमा राखिएको छ भने बस र चालकको खोजी कार्य जारी रहेको जिल्ला प्रहरी कार्यालय कञ्चनपुरका प्रमुख प्रहरी उपरीक्षक कुबेर कडायतले बताएका छन्