काठमाडौं । नेपाल ट्रेकिङ एजेन्टस् एशोसिएन(टान)मा कांग्रेस निकटहरुको शानदार जीत भएको छ।नेपाली कांग्रेस निकट खुमबहादुर सुवेदी टानको अध्यक्षमा निर्वाचित भएका छन्। नेपाल कम्युनिष्ट पार्टी निकट अन्जान थापाको समूह पराजीत भएको छ।
शुक्रबार सम्पन्न निर्वाचनमा अन्जान थापालाई हराउँदै कांग्रेस निकट सुवेदी निर्वाचित भएका हुन् । अञ्जन थापा (कुमार) लाई ८३ मतले पराजित गर्दै सुवेदी विजयी भए। सुवेदीले ५ सय २१ मत ल्याएर विजयी भएका हुन् भने पराजित थापाले ४ सय ३८ मत ल्याए।
सुवेदी समूहबाट बरिष्ठ उपाध्यक्षमा नवीन त्रिताल, प्रथम उपाध्यक्षमा चोलेन्द्रबहादुर कार्की, द्वितिय उपाध्यक्षमा भरत सापकोटा, कोषाध्यक्षमा ऋतु ग्याम्दान र सहकोषाध्यक्षमा सूर्यकुमार श्रेष्ठ निर्वाचित भएका हुन्। सदस्यहरुमा सनम शेर्पा, सिम्बा शेर्पा, कान्छा शेर्पा र सोनाम ग्याल्जेन शेर्पा निर्वाचित भएका छन् ।