कास्की । नेपाली काँग्रेस कास्कीका सभापति कृण्ण केसीले आगामी मंसिर १४ गते हुन लागेको कास्की क्षेत्र नं २ को उप– निर्बाचनमा काँग्रेसलाई जिताउन सबै काँग्रेसीहरु एकजुट भएर लाग्नु पर्नेमा जोड दिएका छन् । नेपाली काँग्रेस वडा इकाई समिति पोखरा– ११ ले बिजयादशमी,दिपावली,नेपाल सम्वत्, र छठ पर्बको अबसरमा शनिबार आयोजना गरेको जलपान तथा शुभकामना आदान –प्रदान कार्यक्रममा बोल्दै सभापति केसीले सबै काँग्रेसका नेता कार्यकर्ता एकजुट भएर लाग्ने हो भने काँग्रेसले सजिलै चुनाब जित्ने दाबी गरे । गण्डकी प्रदेशसभा सदस्य बिन्दुकुमार थापाले लोकतन्त्रको रक्षाका लागि काँग्रेसलाई जिताउनु पर्नेमा जोड दिए । नेपाली काँग्रेस वडा इकाई समिति पोखरा –११ का सभापति बोधराज घिमिरेको अध्यक्षतामा सम्पन्न कार्यक्रममा नेपाली काँग्रेस कास्कीका नेता गुरु बराल,माधब प्रसाद बाँस्तोला लगायतले बोलेका थिए । कार्यक्रममा नेपाली काँग्रेस कास्कीका नेता तथा कार्यकर्ताहरुको उल्लेख्य सहभागीता रहेको समितिका सचिब बसन्त कोइरालाले पोखरा पोष्टलाई जानकारी दिए ।