कञ्चनपुर ।
कञ्चनपुरको दक्षिणी भेगबाट पहिलो पत्रीका प्रकासन गरि पत्रकारिता मार्फत क्षेत्रका मुद्दाहरु राष्ट्रियस्तरमा उठाउन योगदान गरेको भन्दै नागरिक आवाज पत्रीकाका सम्पादक दीपेन्द्र बस्नेतलाई पुरस्कृत गरिएको छ ।
आइतबार कञ्चनपुरको पुनर्वास स्थित श्रीनिवास दिब्य धाममा एक सभाको आयोजना गरि गैर आवासिय नेपाली संघ ( एनआरएनए) अमेरिकाका उपाध्यक्ष सर्वज्ञ वाग्लेले एक थान ल्यापटप दिएर पुरस्कृत गरेका हुन ।
जिल्लाको दुर्गम भेकबाट पत्रकारिता सुरु गरि स्थानीय मुद्दाहरु राष्ट्रिय स्तरमा उजागर गरेको प्रोत्साहन स्वरुप पत्रकार बस्नेतलाई पुरस्कार दिइएको गैर आवासिय नेपाली संघ अमेरिकाका उपाध्यक्ष वाग्लेले बताए ।
आइतबार श्रीनिवास दिब्य धाममा आयोजित कार्यक्रममा राष्ट्रिय सभा सदस्य इन्दु कडरिया बिष्ट , दिब्यधामका स्वामी गोबिद आचार्य , एन आएअ एन ए अमेरिकाका उपाध्यक्ष वाग्ले र धाम समितिका अध्यक्ष बिश्वनाथ बिष्टले संयुक्तरूपमा पुरस्कार हस्तान्तरण गरेका थिए ।