पोखरा । कांग्रेस उम्मेदवार खेमराज पौडेल आइतबारदेखि चुनाबी घरदैलोमा जुटेका छन् ।घरदैलोका क्रममा मतदाताका आँगनमा पुगेका उम्मेदवार पौडेललाई मतदाताले गुरु भन्दै सम्मान भाव प्रकट गरेका छन् । पोखरा–८ निवासी उम्मेदवार पौडेलका १ विद्यार्थीले ‘गुरुको भार चुक्ता गर्ने अवसर बल्ल प्राप्त भएको छ, म जुनसुकै सहयोग गर्न तयार छु’ भन्दै पाउ छोएका थिए । त्यतिबेला उम्मेदवार पौडेलले ति विद्यार्थीलाई अंगालो हाल्दै भक्कानिएका थिए । कतिपय मतदाताले ‘लामो समयपछि गुरुसंग भेट्न पाइयो, निकै खुशी लाग्यो, विजयको शुभकामना गुरु ’ भन्दै सम्मान गरेका थिए । त्यस अवसरमा नजिकबाट चिनिएका मतदाता र आफूले पढाएका विद्यार्थी भेट्दा उम्मेदवार पौडेल भावुक समेत बनेका थिए । कांग्रेसले कास्की–२ अन्तर्गत पोखराका ११ वटै वडामा चुनावी प्रचार समितिको सम्पर्क कार्यालय स्थापना गरेको छ ।कास्की काँग्रेसले घरदैलो अभियानलाइ तिब्र बनाएको कास्की काँग्रेस सभापति कृष्ण केसीले पोखरा पोष्टलाई जानकारी दिएका छन् ।