पोखरा । कास्की २ अन्तर्गत प्रतिनिधिसभा सदस्यको लागि शनिबार सम्पन्न उपनिर्वाचनमा ६३.४८ प्रतिशत मत खसेको छ । बिहान ७ बजे देखि सुरु भएको मतदान अहिले साँझ ५ बजे सम्पन्न भएको हो ।
कास्की २ मा ७१ हजार ८ सय ७१ मतदाता रहेकोमा शनिबारको उपनिर्वाचनमा करिब ६३.४८ प्रतिशतले मतदान गरेको जिल्ला निर्वाचन कार्यालय कास्कीका प्रमुख महेन्द्रराज सुवेदीले पोखरा पोष्टलाई जानकारी दिए ।
पोखरा महानगरभित्र का ११ वटै वडामा मतदान शान्तिपुर्णरुपमा सम्पन्न भएको छ । ३२ मतदान स्थल मध्ये ८२ मतदान केन्द्रमा छिटपुट घटना बाहेक सौहार्दपूर्ण रुपमा मतदान सम्पन्न भएको निर्वाचन अधिकारी सुवेदीले बताए । कास्की २ मा १० स्वतन्त्र सहित २१ जना उम्मेदवार रहेका छन्।