पोखरा ।
नेपाली कांग्रेस पोखरा ९ की वडा इकाई सभापति उमा ठकुरीले पदवाट राजिनामा दिएकी छन् । यही मंसिर १४ गते भएको उपनिर्वाचनको मत परिणाम अनुसार पोखरा वडा नं ९ मा पार्टीले लज्जास्पद मत प्राप्त गरेको भन्दै इकाई सभापति ठकुरीले पदवाट राजिनामा दिएकी हुन् । ठकुरीले कास्की क्षेत्र नं २ उपनिर्वाचन परिचालन समितिका संयोजक वीरेन्द्रनारायण विजुक्छेलाई सम्वोधन गदै सो राजिनामा दिएकी हुन् । पत्रमा उनले पोखरा महानगर भित्र कांग्रेसको गढको रुपमा रहेको पोखरा ९ को साख यो निर्वाचनमा जोगाउन नसक्नुमा कतै आफ्नो पनि कमजोरी रहेको हुन सक्ने भन्दै राजिनामा दिएको वताएकी छन् । उनले वडा इकाई सभापति पदवाट राजिनामा दिएको भएपनि पार्टीप्रति सँधै वफादार भएर काम गर्ने प्रतिबद्धता व्यक्त गरेकी छन् ।