कास्कीको  घान्द्रुकमा  जीप दुर्घटना हुँदा  आठ जनाको घटनास्थलमै मृत्यु

 कास्की । कास्कीको  घान्द्रुकमा  जीप दुर्घटना हुँदा  आठ जनाको घटनास्थलमै मृत्यु भएको छ ।  पोखरास्थित हरिचोकबाट छुटेको ग १ ज ६९०० नम्बरको बोलेरो जीप घान्द्रुकको कलाभीरमा दुर्घटनामा परेको हो ।

घान्द्रुकको कलाभीर भन्ने स्थानबाट जीप तल मोदी खोलामा पुगेको प्रत्यक्षदर्शीले बताएका छन्  । मृतकको सनाखत हुन सकेको छैन ।

जीपमा चालक सहित १० जना यात्रु सवार थिए । ती मध्ये एक जना जीवितै उद्धार गरिएको स्थानीयले बताएका छन् ।

अहिले उद्धार कार्य जारी रहेकाले थप विवरण आउन बाँकी छ ।