स्याङ्जा  युवा तथा खेलकूदमन्त्री जगत विश्वकर्माले खेलको माध्यामबाट आर्थिक समृद्धि हासिल गर्न सकिने बताउनुभएको छ । स्याङ्जाको स्वरेक मैदानमा बिहिबार आयोजित विश्कप प्याराग्लाइडिङ प्रतियोगिता शुभारम्भका क्रममा उहाँले नेपाली खेलाडीहरुले छोटो समयमै यस खेलको माध्यामबाट नेपाललाई विश्वसामु चिनाउन सफल भएको चर्चा गर्नुभयो । राज्यले खेलाडीको संरक्षण गर्ने कार्यक्रम ल्याएको बताउँदै उहाँले नेपालमा विश्वकप प्याराग्लाइडिङ प्रतियोगिताका साथै धेरै ठाउँमा अन्य साहासिक खेल खेल्न सकिने भएकाले प्रकृतिले दिएको उपहारलाई सक्दो सदुपयोग गरिनेमा जोड दिनुभयो । प्रतियोगितामा नेपालसहित भारत, पाकिस्तान, जापान, चीन, कोरिया, अमेरिका क्यानडालगायत २१ देशका करीब १०० भन्दा बढी खेलाडी सहभागी भएको जिल्ला पर्यटन विकास समितिका उपाध्यक्ष एवं सचिवालय संयोजक अनन्तकुमार श्रेष्ठले जानकारी दिनुभयो । प्रतियोगितामा महिला तथा पुरुषतर्फ एकल र महिला तथा पुरुष गरी कूल चार इभेन्ट्सको खोल हुनेछ । भीरकोट नगरपालिका–५ माहापुरस्थित स्वरेक मैदानमा बिहीबारबाट शुरु भएको प्रतियोगिता कात्तिक १८ गते वालिङ नगरपालिका–११ डौवाफाँटमा समापन हुनेछ । नेपाल प्याराग्लाइडिङ सङ्घ, नेपाल हवाई खेलकूद संस्था र बाबु एड्भेन्चर क्लब जिल्ला समन्वय समिति संयोजकत्वमा सो प्रतियोगिता आयोजना गरिएको हो । –

पोखरा,  पोखरा महानगरका ३३ वडा मध्य नमूना वडा वन्ने प्रयासमा अगाडी वढेको वडा नं १३ यतीवेला सस्कृती संरक्षणमा जुटेको छ । लोपोन्मुख वन्दै गएको परंपरागत नौमती वाजालाई जोगाउन वडाध्यक्ष दर्शन लामाले आफ्नो वडा भित्रका तीन वटा समूहलाई एक÷एक सेट नौ मती वाजा निशुल्क हस्तान्तरण गरेका छन् । स्थानीयले नौमती वाजाको संरक्षणवाट वडामा आन्तरिक तथा वाह्य पर्यटन प्रवर्दनमा सहयोग पुग्ने विश्वास लिएका छन् । नेपाली कला, सस्कृती र प्राकृतीक दृष्यहरु हेर्नका लागी विदेसी पर्यटकहरु नेपाल आउने गर्दछन् । विशेषगरी नौमती वाजाको धून पर्यटकहरुको रोजाईमा पर्ने गरेको छ । विवाह उत्सव जस्ता शुभकार्यमा नौमती वाजा वजाउने गरिन्छ । नौमती वाजाको धूनले पर्यटकलाई आकर्षण गर्ने र यसवाट आयआर्जनमा सहयोग पुग्ने अपेक्षा सहित वाजा वितरण गरिएको अध्यक्ष लामाले वताए ।  ‘कला र सस्कृतीको संरक्षणले समृद्ध वडा निर्माणमा टेवा पुग्ने छ’– वडाअध्यक्ष लामाले भने । २०७४ जेठ १६ गते वडाध्यक्षको रुपमा काम सुरु गरेसँगै वडा नं १३ लाई नमूना वडा वनाउन लागी परेका वडाध्यक्ष लामालेआफ्नो वडा कार्यालयलाई अपाङमैत्री देखी प्रविधि मैत्री वडा वनाइसकेका छन् । आफ्नो कार्यकालमा वडा नं १३ लाई धूलोमुक्त वडा वनाउने प्रयासमा सक्रिय रहदै आएका वडाध्यक्ष लामाले वडाभित्र भौतीक, सामाजिक, शैक्षिक, तथा सास्कृतीक विकासमा लागि परेका छन् । तीन लाख ४० हजार मूल्य वरावरको तीन सेट वाजामा दुई वटा नरसिंह, दुई वटा सनही, दुईवटा दमाह, एउटा ढलकी, एउटा ट्याङ्को र एउटा झ्याली रहेको छ । बाजा ग्रहण गर्ने समुहलाई नौमती बाजाको संरक्षणका साथै बाजाका धुन पोखरामा नमुना बनाइ उदाहरणीय बन्न वडाध्यक्ष लामाले अनुरोध गरे । नौमतीवाजालाई पुख्र्यौैली पेसा वनाउदै आएका आर्वा बाजा समुहका चिनबहादुर परियारले सहयोग स्वरुप पाएको बाजावाट जीवनमा रोजीरोटीको लागि ठूलो सहयोग पुग्ने भन्दै खुसी व्यक्त गरे । वडाले दिएको बाजा हातमा पर्दा वाध्यवादन समूहका सदस्यहरु उत्साही देखिन्थे । वाजा प्रदान गरेर आफ्नो व्यवसायमा  हौसला प्रदान गरेको भन्दै उनीहरुले वडाध्यक्ष लामाप्रति आभार व्यक्त गरे ।

पोखरा प्रिमियर लिग क्रिकेटमा चितवन राइनोजले लगातार दोस्रो जित हात पारेको छ । आज भएको खेलमा चितवनले काठमाडौलाई १३ रनले हरायो । जितसँगै चितवनको प्लेअफ खेल्ने संभावना बढाएको छ । पोखरा रंगशालामा टस हारेर ब्याटिङको निम्तो पाएको चितवनले २० ओभरमा ५ विकेट गुमाउँदै एक सय ४९ रन बनायो । लगातार तीन खेलको हारपछि धनगढी विरुद्ध पहिलो जित निकालेको चितवनले आजपनि राम्रो सुरुवात गर्न सफल भयो । पहिलो विकेटका लागि हरिशंकर शाह र अनिल शाह विच ५४ रनको साझेदारी भयो । जसमा अनिलले २७ रनको योगदान गरे । त्यसपछि टिमको स्कोर ७९ रन हुँदा चितवनका कप्तान ब्यक्तिगत १४ रनमा पेभेलियन फर्किए । धनगढी विरुद्ध अर्धसतक प्रहार गरेका हरीशंकरले आजपनि ६० रनको योगदान गरे । उनले ४९ बलमा पाँच चौका र तीन छक्का प्रहार गरे । यस्तै स्मिथ पटेलले ३१ रन र सन्नी पटेलले १३ रनको योगदान गरे । बलिङ तर्फ बसन्त रेग्मीले दुई तथा पवन सराफ र नन्दन यादवले एक एक विकेट लिए । जवाफमा राम्रो सुरुवात गर्न नसकेको काठमाडौ २० ओभरमा नौ विकेट गुमाउदा एक सय ३६ रन बनाउन सक्यो । १५ रनमा पहिलो विकेट गुमाएको काठमाडौले २३ रनमा दोस्रो विकेट खेर फाल्यो । उसका ओपनर जयकिशन कोल्सावल १८ रनमा आउट भए भने अमित श्रेष्ठ मात्र एक रनमा पेभेलियन फर्किए । त्यसपछि पवन सराफ ब्यक्तिगत २८ रनमा आउट हुँदा काठमाडौले ८१ रनमा तेस्रो विकेट खेर फाल्यो । कप्तान ज्ञानेन्द्र मल्ल र विदेशी खेलाडी गौरभ तमोर विच राम्रो साझेदारी भइरहेका बेला चितवनका कप्तान पारस खड्काले यो साझेदारी तोड्न सफल भए । तोमर ३९ रनमा आउट भएपछि काठमाडौले खेल आफ्नो हातबाट फुस्कायो । लगत्तै नरेश बुढाऐर र कप्तान ज्ञानेन्द्र मल्ल पनि ३० रन तथा पृथु बास्कोटा मात्र चार रनमा आउट भएपछि काठमाडौले एक सय २५ रनमा सात विकेट गुमायो । त्यसपछि पुछारका खेलाडी एकपछि अर्को विकेट झरेपछि काठमाडौले प्रतियोगितामा पहिलो हार ब्यहोर्यो । बलिङ तर्फ करण केसीले तीन तथा पारस खड्काले दुई विकेट लिए ।