पाेखरा । माउन्ट अन्नपूर्ण मा.वि .नदीपुरमा बाल दिवसको सुअवसरमा मनोरञ्जनयुक्त खेलकुद,कविता वाचन, चित्रकला प्रतियोगिता,नृत्य तथा गायन प्रतियोगिता आदि कार्यक्रमहरू सम्पन्न भएका छन।
विद्यार्थीभित्र रहेको प्रतिभा प्रस्फुटन गराउने उदेश्यले आयोजना गरिएको उक्त कार्यक्रममा विद्यालयका प्राचार्य सइन्द्रराज श्रेष्ठले विद्यार्थीलाई बालदिवसको सुअवसरमा शुभकामना दिदै विद्यालयमा विद्यार्थीहरूले खेल्दै सिक्नसक्ने रमणीय वातावरणको सिर्जना गर्न विद्यालयको प्रयास जारी रहेको बिचार व्यक्त गरे।
विद्यालयले आयोजना गरेको उक्त कार्यक्रममा विद्यार्थीको उत्साहजनक , सहभागिता रहेको थियो। विद्यालयका शैक्षिक गुणस्तर वृद्धिमा यस्ता कार्यक्रमले धेरै सहयोग पुर्याउने भन्दै कार्यक्रमका संयोजक शैक्षिक प्रमुख महादेव भण्डारीले विद्यार्थी भाइबहिनीको उज्ज्वल भविष्यको कामना गरे।
