रामेछाप । १३ औ लोकतन्त्र दिवसको अवसरमा क्रियाशील पत्रकार महिला जिल्ला शाखा रामेछापको आयोजनामा मैत्रीपूर्ण फुटबल खेल मन्थलीमा सम्पन्न भएको छ । खेलमा जनप्रतिनिधि , पत्रकार, उद्योग व्यवसायी तथा निजामती कर्मचारी गरि चार समूहले भाग लिएका थिए । जनप्रतिनिधि र पत्रकार बिच भएको पहिलो खेलमा जनप्रतिनिधिले दुई गोल हान्न सफल भएको थियो । त्यसैगरि दोस्रो खेल उद्योग व्यवसायी र निजामती कर्मचारी बिच भएको थियो ।
सो खेलमा व्यवसायीको समुहले ३ गोल हान्न सफल भएको थियो । खेलमा सहभागी खेलाडीलाई आयोजकले जर्सि प्रमाणपत्रको व्यवस्था गरेको थियो । कार्यक्रम जिल्ला समन्वय समितिका प्रमुख प्रेम बहादुर खड्काको प्रमुख आतित्थ्यतामा भएको थियो भने मन्थली नगरपालिका प्रमुख रमेश बस्नेतको विशेष आतित्थ्यता तथा क्रियाशील पत्रकार महिला जिल्ला शाखा रामेछापको अध्यक्ष ज्ञानु श्रेष्ठको अध्यक्षतामा भएको थियो । त्यसै गरि खेल हेर्न प्रमुख जिल्ला अधिकारी लिला कुमारी केसि , जिल्ला समन्वय समिति अधिकारी राजेन्द्र केसि , नेकपा रामेछापका अध्यक्ष मैन कुमार मोक्तान, नेपाली काङ्ग्रेस रामेछापका अध्यक्ष लवश्री न्यौपाने , लगाएत विभिन्न संघ संस्थाका प्रमुख तथा प्रतिनिधि , उद्योग व्यवसायी , राजनितीक दलका नेता तथा सर्वसाधारण नागरिकको उपस्थिति रहेको थियो ।