धादिङ । धादिङको गल्छी गाउँपालिका–६ मा जीप दुर्घटना भएको छ । दुर्घटनामा चार जनाले ज्यान गुमाएका छन भने १० जना घाइते भएको धादिङका प्रहरी उपरीक्षक राजकुमार बैदवारले बताए।
मृत्यु हुनेमा दुई पुरुष र दुई महिला छन्। मृत्यु हुनेहरूमा गल्छी गाउँपालिका वडा नम्बर १ का २४ वर्षीय राजु रम्तेल, सोही ठाउँका ४० वर्षीय सेतु रम्तेल, गल्छी गाउँपालिका वडा नम्बर ६ की ३० वर्षीया कान्छी भुजेल र ३५ वर्षीया नानु तामाङ रहेको प्रहरीले जनाएको छ ।
गल्छी गाउँपालिका–६ को कार्कीडाँडाबाट बैरेनीतर्फ गइरहेको बा१८ज ९४०४ नम्बरको जीप सडकबाट सडकबाट पन्ध्र मिटर तल खसेको थियो।
कच्ची सडकमा तीब्र गतिका कारण जीप दुर्घटना भएको हुन सक्ने प्रहरीले जनाएको छ। जीप दुर्घटनामा घाइतेहरूलाई स्थानीय अस्पतालमा सामान्य उपचारपछि काठमाडौं पठाइएको प्रहरीले जनाएको छ।