मध्यक्रमका ब्याट्सम्यान रवि इन्दर सिंहले उत्कृष्ट ब्याटिङ गरेपछि घरेलु टिम पोखरा पल्टनले पोखरा प्रिमियर लिग (पिपिएल) टी-२० क्रिकेट प्रतियोगिताको उपाधि जितेको छ। पोखरा रंगशालास्थित क्रिकेट मैदानमा मंगलबार भएको फाइनल भिडन्तमा चितवन राइनोजलाई ३ विकेटले पराजित गर्दै पोखरा च्याम्पियन बनेको हो।

पहिलो संस्करणको उपाधिसँगै पोखराले नगद २७ लाख रुपैयाँ जितेको छ। चितवनले भने १० लाख रुपैयाँमा चित्त बुझाएको छ।

चितवन राइनोजका अलराउन्डर सनी पटेल उत्कृष्ट खेलाडी बने। उनले प्रतियोगितामा ७ इनिङमा १ अर्धशतकसहित १ सय ९४ रन जोडेका थिए। यस्तै उनले १० विकेट लिन सफल भए।

चितवन राइनोजकै तीव्र गतिका बलर करण केसी प्रतियोगिताको उत्कष्ट बलर घोषित भए। उनले प्रतियोगितामा सर्वाधिक विकेट लिने क्रमा ७ इनिङमा १२ विकेट लिए।

यता हुलास काठमाडौं रोयल्यसका गौरव तोमार उत्कृष्ट ब्याट्सम्यान भए। २ अर्धशतक प्रहार गरेका तोमारले प्रतियोगितामा सबैभन्दा बढी ६ इनिङमा २ सय १२ रन जोडेका थिए।

प्लेयर अफ दि सिरिज, उत्कृष्ट ब्याट्सम्यान र उत्कृष्ट बलर भएका तीनै जनालाई सुजुकी मोटरबाइक प्राप्त गरे।

फाइनलमा चितवन राइनोजलाई ३ विकेटले हराएर च्याम्पियन बनेको पोखरा पल्टनका तीव्र गतिका बलर रासिद खान इमर्जिङ खेलाडी भए। उनलाई ५१ हजार रुपैयाँ प्रदान गरियो। पोखराकै स्पिनर ललितनारायण राजवंशी मोस्ट भ्यालुएबल खेलाडी भए। उनलाई  १ लाख १ हजार रुपैयाँ प्रदान गरियो।

  रसुवा,   पर्यटकीय क्षेत्र लाङटाङको भ्रमण गर्ने पर्यटकको सङ्ख्या क्रमशः वृद्धि हुन थालेको छ । स्थानीय पर्यटन व्यवसायी ढिण्डुप तामाङका अनुसार हिजोआज दैनिकरुपले पर्यटकीय मार्गमा स्वदेशी २० र विदेशी ६० पर्यटक आवतजावत गर्न थालेकाले अहिले हिमाली क्षेत्रको रौनक बढेको छ । भूकम्पपछिको आवास पुनःनिर्माणअन्तर्गत नयाँ बनेका संरचनाको होटल तथा लज बढेको र समुद्री सतहदेखि तीन हजार ९०० मिटरको उचाइ क्याङजेन पहाडलाई केन्द्र बनाएर पर्यटकले अल्का हिमशृङ्खला अवलोकन गर्न थालेको पर्यटन व्यवसायीहरूले बताए् । पर्यटकका लागि पदमार्गका विभिन्न ठाउँमा होटल तथा लज खुलेकाले खान र बस्न कुनै समस्या नभएको बताउँदै पर्यटन व्यवसायी तामाङले लाङटाङ क्षेत्रको मार्गअन्तर्गत लामा होटलमा करीब ६०, तवेलामा दुई थाङसामा छ, लाङटाङमा १५, मुण्डुमा छ, सिन्दुपमा दुई र क्याङजेनमा ४५ होटल तथा लज सञ्चालनमा रहेको जानकारी दिनुभयो । विसं २०७२को भूकम्प अघिभन्दा अहिले होटल लजको सङ्ख्या दोब्बर बढेको बताइएको छ । यी होटल तथा लजले आगन्तु आन्तरिक तथा बाह्य पर्यटकलाई सेवा दिएबापत प्रत्येक होटलले प्रतिदिन १५ देखि २५ हजारसम्म आम्दानी गर्न थालेकाले पर्यटन व्यवसायबाट जीविकोपार्जन सहज हुनथालेको उहाँको भनाइ थियो । काठमाडौाबाट स्याफ्रूबेँसीसम्म मोटर र त्यसपछि स्पाफ्रबेँसीबाट लाङटाङ खोलाको तीरैतीर साढे दुई दिनमा लाङ्टाङको क्याङजेन पुग्न सकिने र बाटोमा हिँढ्दा खाजा नासताका लागि ठाउँठाउँमा चिया पसलसमेत खुलेका छन् विनाशकारी भूकम्पले तहसनहस बनाएको उक्त क्षेत्रको वास्थान जिल्ला दैवीप्रकोप उद्धार समितिसँगको समन्वय तथा दाताको सहयोगमा हेलिकप्टरबाट सामान ढुवानी गरी आवास तथा होटल लज निर्माण गरिएको बताउँदै लाङटाङ पुनःनिर्माण समितिका अध्यक्ष तेम्वा लामाले अहिले कादुरी नामक गैरसरकारी संस्थाको सहयोगमा सय किलोवाट क्षमताको जलविद्युत् आयोजना सञ्चालन भइसकेको जानकारी दिनुभयो । –––

  काठमाडौँ,  सङ्घीय मामिला तथा सामान्य प्रशासन मन्त्री लालबाबु पण्डितले कानूनी हैसियतभन्दा बढी सवारी साधन प्रयोग नगरेको मन्त्रालयले जनाएको छ । मन्त्री पण्डितले अनावश्यक धेरै गाडी प्रयोग गरेको भनेर केही सञ्चार माध्यममा समाचार प्रकाशित भएपछि मन्त्रालयका निमित्त सचिव सुरेश अधिकारीले आज विज्ञप्ति जारी गर्दै मन्त्रीले मन्त्रालयले उपलब्ध गराएको भन्दा बढी गाडी प्रयोग नगरेको बताउनुभएको छ । विज्ञप्तिमा उहाँले मन्त्रीले प्रयोग गर्नुभएका दुईवटा झण्डासहितका गाडीमध्ये आवश्यकताअनुसार एउटा गाडी मन्त्री निवासमा पार्किङ गरिएको हुन्छ र अर्को गाडी प्रयोग गर्नु भएको जानकारी गराउनुभयो । मन्त्रीको निजी सचिवालयका उपसचिव र स्वकीय सचिवले मन्त्रालयले उपलब्ध गराएको एक÷एक वटा गाडी प्रयोग गरेको उल्लेख गदै ती चारवटा गाडीमध्ये अरु गाडी प्रयोग नगरिएको विज्ञप्तिमा उल्लेख गरिएको छ । निमित्त सचिव अधिकारीले गाडीलगायत अन्य स्रोत सामग्रीको प्रयोगसमेत अन्यन्तै मितव्ययी र पारदर्शी हिसाबले प्रयोग गरिएको र कुनै पनि अवैधानिक व्यक्तिबाट सरकारी स्रोतसाधनको प्रयोग नगएको तथा कुनै आयोजनामा सवारी साधन पार्टीका गतिविधिमा प्रयोग नगरिएको जनाउनुभएको छ । –––

  काठमाडौँ,   साउदी अरबस्थित बुरैदा कारागारमा बन्दी जीवन बिताउन बाध्य सुनसरीस्थित बराहक्षेत्र नगरापलिका–२ का भुपाल बस्नेतको उद्धारका लागि हालसम्म करीब रु सात लाख सङ्कलन भइसकेको छ । प्रवासी नेपाली समन्वय समितिको पहलमा रु छ लाख ९३ हजार ३०४ सङ्कलन गरिएको हो । बस्नेतको उद्धारका लागि गैरआवासीय नेपाली स¬ङ्घ (एनआरएनए आरसिसी) ले रू दुई लाख ६४ हजार २९९, गन्तव्य नेपाल नामक संस्थाले रु दुई लाख १४ हजार ७७२, नेपाली प्रवासी समाज साउदी अरबले रू ३२ हजार २३२ र प्रेम बचाउ अभियानले रू दुई लाख सहयोग गरेको उक्त समितिले जनाएको छ । बस्नेत २०७३ साल वैशाख १४ गते पाजु इन्टरनेशनल प्रालिमार्फत सवारी चालकका लागि पुनः साउदी अरब जानुभएको थियो । त्यहाँको ‘पानारोमा फर ट्रेडिङ इस्ट’ कम्पनीका लागि काम गर्न जाने क्रममा उहाँलाई विमानस्थलबाटै साउदी प्रहरीले गिरफ्तार गरेको थियो । वैदेशिक रोजगारीको सिलसिलामा विगत छ वर्षअघि साउदी अरबको ‘अल माजल अल अरबी ग्रुप’ कम्पनीमा आबद्ध उहाँले चलाएको गाडी सडक दुर्घटनामा पर्दा एक साउदी नागरिकको ज्यान गएको र उक्त दुर्घटनामा बस्नेतको २५ प्रतिशत गल्ती देखाउँदै साउदी रियाल ७५ हजार ३०० (करीब रू २३ लाख ५० हजार) तिर्नुपर्ने अदालतबाट फैसला भएकामा सो बापतको जरिवाना उक्त कम्पनीले जिम्मेवारी लिई बस्नेतलाई नेपाल फर्काएको थियो । बस्नेत नेपाल फर्किएपछि कम्पनीले बुझाउनुपर्ने रकम नबुझाएका कारण मुद्दाको कार्यान्वयन भएको थिएन । पुनः बस्नेत कामका लागि साउदी पुगेपछि त्यहाँका प्रहरीले  तोकिएको जरिवाना नबुझाएको भन्दै प्रहरीले नियन्त्रणमा लिएको उक्त समितिले जनाएको छ । बस्नेतलाई जेलमुक्त गर्न आवश्यक रकम परिवारबाट सम्भव नभएकाले ‘ब्लड मनी’ सङ्कलन अभियान शुरु गरिएको हो ।