अश्लील सामाग्रीको प्रकाशन प्रसारणमा रोक काठमाडौं। सरकारले यौनजन्य अश्लील सामग्रीको सहज पहुँचले नेपाली समाजको मूल्यमान्यता र सामाजिक सद्भावमा खलल पुगेको भन्दै त्यस्ता सामग्रीको प्रकाशन तथा प्रसारणमा रोक लगाएको छ। सञ्चार तथा सूचना प्रविधि मन्त्रालयले आज एक प्रेस विज्ञप्ति जारी गर्दै त्यस्ता गतिविधिले समाजमा यौनजन्य हिंसा र विकृति सिर्जना गर्न प्रेरित गरेकाले यौनजन्य अश्लील सामग्रीको आदान प्रदान, प्रकाशन र प्रसारणलाई बन्देज लगाइएको जनाएको छ। मन्त्रालयका सहसचिव एवं प्रवक्ता रामचन्द्र ढकालले इन्टरनेटको माध्यमबाट यस्ता यौनजन्य अश्लिल सामग्रीको नेपालभित्र पहुँचमा रोक लगाउन तथा त्यस किसिमका वेभसाइट बन्द गर्न नेपाल दूरसञ्चार प्राधिकरणलाई निर्देशन दिइएको बताए। मन्त्रालयले अश्लिल सामग्रीको विद्युतीय सञ्चार तथा इन्टरनेटका माध्यमबाट आदानप्रदान, प्रकाशन र प्रसारण नगर्न दूरसञ्चार सेवा प्रदायक, इन्टरनेट सेवाप्रदायक, सामाजिक सञ्जाल सञ्चालक तथा प्रयोगकर्ता सबैमा अनुरोधसमेत गरेको छ। मुलुकी अपराध ९संहिता० ऐन, २०७४ को दफा १२१ तथा अन्य प्रचलित कानूनले यौनजन्य तथा अश्लील सामग्रीको प्रकाशन(प्रसारणमा बन्देज लगाएको छ। रासस

रामचन्द्र रायमाझी पाल्पा, असोज ४ नयाँ मुलकी देवानी संहिता ऐन लागु भएपछि जिल्ला अदालत पाल्पामा पहिलो अदालती विवाह भएको छ । मुलुकी संहिता २०७४ को दफा ७७ बमोजिम जिल्ला अदालत पाल्पाबाट पहिलो विवाह भएको हो । तानसेन नगरपालिका वडा ६ बस्ने ३४ बर्षिय सरोजराज शाक्य र काठमाडांै महानगरपालिका वडा ३ बस्ने २८ बर्षिय उप्पलवणा शाक्य बीच जिल्ला अदालत पाल्पामा विवाह भएको छ । जिल्ला अदालत पाल्पाका जिल्ला न्याधिस शंकरराज बरालको रोहवरमा बेहुला पक्ष र बेहुली पक्षको सहमतिमा नयाँ मुलुकी संहित २०७४ दफा ७७ अनुसार अदालती विवाह भएको हो । जिल्ला अदालत पाल्पाले श्रेस्तेदार सुवर्णप्रसाद खनालको हस्ताक्षरमा मुलुकी संहिता २०७४ को दफा ८० को उपधारा २ बमोजिम दुुवै बीच विवाह दर्ता प्रमाणपत्र प्रदान गरेको छ । यस यस अघि यस्तो किसिमको विवाह जिल्ला प्रशासन कार्यालयबाट हँुदै आएको काम नयाँ संहिता लागु भएसँगै जिम्मेवारी अदालतमा गएको हो । नयाँ संहिता जारी भएपछि जिल्ला अदालत पाल्पाबाट भएको यो पहिलो विवाह भएको श्रेस्तेदार खनालले बताए ।

पोखरा ४ असोज युवा मुक्तककार ऋषि वरालको मुक्तक संग्रह पैतालाका डोवहरुको विमोचन गरिएको छ । बरिष्ठ गीतकार रत्नशम्शेर थापाले एक कार्यक्रम बिच मुक्तक संग्रह को बिमोचन गर्नुभएको हो । कार्यक्रममा बोल्दै  थापाले ऋषि बरालसँग मुक्तक लेख्ने खुवि र क्षमता रहेको बताउनु भयो ।। उनका  मुक्तकमा युग बोल्दछन्, प्रकृति, देश र मानवीय भावना प्रखर रुपमा देखिन्छन् भन्दै गीतकार थापाले , सुन्दर ढङ्गले लेखिएका मुक्तकहरु वाचन गरेको सुन्दा मनै आनन्दित हुन्छ भन्दै कृतिकार को प्रशंशा गर्नुभयो। चर्चित गीतकाररमुक्तककार तथा रेडियो नेपालका रेडियोकर्मी रमेश पौडेलको प्रस्तुति भने फरक थियो ।वहाले ूमुक्तक लेखन र आवरण साजसज्जाको कारणबाट नै भेट ऋषि बरालसँग भएको थियो । उनका मुक्तकहरु साच्चिँकै मुक्तक बनेका छन् । यस कृतिको पाना पल्टाएर जहाँ पढे  पनि सुन्दर मन छुने मुक्तक मात्र भेटिन्छन् । उनिमा मुक्तक लेखनको क्षेत्रमा स्थापीत हुने राम्रो छनक पाएको छु।ूभन्दै कृतिको प्रशंशा गर्नुभयो। कृतिकार ऋषि बरालले मुक्तक लेखनका क्रमका आफ्ना अनुभव, भोगाइ र प्रकाशनको यात्रा सम्मका संघर्षको वर्णन र मुक्तक वाचन गरेर समेत सुनाउनु भएको थियो । आफूलाई मनपर्ने मुक्तक लेखनको शैलि चतुष्पदीय रहेको र आफ्नो कृतिमा सङ्ग्रहित सबै मुक्तकहरु पनि सोहि शैलीमा रहेका कुरा अवगत गराउनु भएको थियाो  ।  नेपाल मुक्तक प्रतिष्ठानको प्रकाशनमा प्रकाशित सो कृतिमा    २१६ ओटा मुक्तक संग्रहित छन् ।जस मध्ये अधिकांश मुक्तकहरुमा प्रेम विछोडको भाव भएता पनि केहि मुक्तकहरुमा सुखद मिलन, देशप्रेम,मानवीय चिन्तन,सामाजिक यथार्थ,विकृति,विसंगति,मान्छेमा देखिएको आडम्वरी पन,नेपाली युवाहरु विदेशिनु परेको वाध्यता,साहित्यिक क्षेत्रमा देखिएको सम्मान र पुरस्कारको वेथिति,गाँउमा समेत मौलिक भाषा,संस्कृति र चालचलन हराउँदै गएको  यथार्थता,आमाको महिमा,जस्ता सन्दर्भहरु समेत समेट्ने प्रयास गरिएको छ।मुक्तक प्रतिष्ठानका अध्यक्ष रामकाजी कोनेको अध्यक्षता,वादल घिमिरेको सञ्चालन र वरिष्ठ गीतकार रत्नशम्सेर थापाको प्रमुख आतिथ्यतामा  सम्पन्न सो कार्यक्रममा अन्य विशिष्ट कवि, साहित्यकार, समिक्षक र पत्रकारहरूको  उपस्थिति रहेको थियो।