पोखरा । साउन ११ गतेबाट रिलिज हुन लागेको सिनेमा ईश्वर सामाजिक कथामा आधारित रहेको निर्माण पक्षले जानकारी गराएको छ । सोमबार पोखरामा चलचित्र पत्रकार संघ नेपाल कास्कीले आयोजना गरेको पत्रकार सम्मेलनमा बोल्दे निर्माता हरि थापाले ईश्वर सामाजिक कथामा आधारित भएको बताए ।
“ईश्वर समाजको कथा हो । समाजमा भएका वेथिति विरुद्धको आवाज ईश्वरले बोल्छ । प्रहरी प्रशासनमा देखिएका समस्यालाई उजागर गर्ने पात्रको भूमिकालाई प्रस्तुत गरएको छ ।”, उनले भने । सिनेमाको कथा मन परेकाले लगानी गरेको भनाई उनको छ ।
सिनेमामा निर्माताको रुपमा निरन्तरता दिने प्रतिबद्धता समेत उनले गरेका छन् । सिनेमाले दर्शकको मन छुनेमा उनी आशावादी देखिन्छन् ।
माओत्से गुरुङले अन्याय र अत्याचारको विरुद्धमा लाग्ने प्रहरीको विषयमा सिनेमा माध्यम उल्लेख गरिएको बताए । सिनेमामा उनी भूपूूआर्मीको भूमिकामा देखिएका छन् ।
नायिका कृष्टी गुुरुङले ईश्वर आफ्ना लागि सिनेमा क्षेत्रमा कडीको रुपमा साबित हुने बताइन् । उनी आफ्नो भूमिकामा आशावादी छिन् ।
दिव्याकंगना फिल्मको प्रस्तुतीमा निर्माण भएको सिनेमाको पत्रकार सम्मेलन चपस कास्कीका अध्यक्ष प्रभु अधिकारीको अध्यक्षतामा भएको थियो भने कार्यक्रमको संचालन सह—सचिव शंकर तिवारीले गरेका थिए ।
सामाजिक कथामा आधारित सिनेमा ईश्वर साउन ११ गतेबाट रिलिज हुने
विपद् ब्यवस्थापन र न्यूनीकरणमा सबैको ध्यान केन्द्रित गरौँ : मुख्यमन्त्री पाण्डे
पोखरा महानगरपालिकाको आगामी आ.व २०८१/०८२ को बजेट तथा कार्यक्रम सर्वसम्मतले पास
पहिरोमा परी मृत्यु भएकाको परिवारलाई जिल्ला प्रशासन कास्कीबाट राहत प्रदान
कास्की । जिल्ला प्रशासन कार्यालय कास्कीले गत असार २७ गते राति पोखरा महानगरपालिका-३२ चैनपुरस्थित बाह्रबीसेमा पहिरोमा परी मृत्यु भएकाहरूको परिवारलाई आइतबार राहत रकम प्रदान गरेको छ ।
जिल्ला प्रशासन कार्यालय कास्कीका प्रमुख जिल्ला अधिकारी भरतमणि पाण्डेले मृतकहरूको स्थायी घर रुपा गाउँपालिका-२ पेलुङ्गा पुगेर राहत प्रदान गर्नुभएको हो ।
प्रमुख जिल्ला अधिकारी पाण्डेले पोखरा महानगरपालिका-३२ चैनपुरस्थित बाह्रबीसेमा पहिरोमा परी मृत्यु भएका १८ वर्षीया अनिता ओझा र ११ वर्षीया अनुष्का ओझाका परिवारलाई रु. तीन लाख साथै सोही घटनामा परी मृत्यु भएका नौ वर्षीय प्रतीक सुवेदीको परिवारलाई रु. दुई लाख प्रदान गर्नुभयाे ।
अनिता र अनुष्काका बुबा शिवराज ओझा र प्रतिकका बुबा पुष्पराज सुवेदीले राहत रकम बुझ्नुभएको थियो ।
नेपाल सरकारको विपद्का घटनामा परी मृत्यु भएका व्यक्तिलाई राहत उपलब्ध गराउने सम्बन्धी मापदण्ड, २०७७ बमोजिम जिल्ला विपद् व्यवस्थापन कोषबाट सो रकम प्रदान गरिएको जिल्ला प्रशासन कार्यालय कास्कीका सहायक प्रमुख जिल्ला अधिकारी गङ्गाबहादुर क्षेत्रीले पाेखरा पाेष्टलाइ जानकारी दिनुभयाे । राहत बितरणामा रुपा गाउँपालिकाका अध्यक्ष नवराज ओझा, रुपा-२ का वडाध्यक्ष राजन सुवेदी लगायत स्थानीय समाजसेबीकाे सहभागिता रहेकाे थियाे।