पोखरा, १४ असोज . नेपाल भलिबल सङ्घ र भारतको आधिअवाधी फाउन्डेसनको आयोजनामा आजदेखि यहाँ महिला भलिबल प्रतियोगिता शुरु भएको छ । उद्घाटन खेलमा चितवन टाइगर्स विजयी भएको छ । लिग चरणको पहिलो खेलमा चितवनले त्रिभुवन आर्मी क्लबलाई ३–० को सोझो सेटमा पराजित गरेको हो । त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा भएको सो खेलमा चितवनले आर्मीविरुद्ध २५–२१, २५–१३ र २५–२२ अङ्कको जित निकालेको हो । यही असोज १७ गतेसम्म सञ्चालन हुने उक्त प्रतियोगितामा न्यू डायमण्ड, चितवन टाइगर्स, त्रिभुवन आर्मी क्लब, सशस्त्र प्रहरीको एपिएफ क्लब, नेपाल पुलिस क्लब र पोखरा पिङ्केजको सहभागिता रहेको नेपाल भलिबल सङ्घका महासचिव जितेन्द्रबहादुर चन्दले जानकारी दिनुभयो । प्रतियोगिताको विजेताले रु छ लाख, उपविजेताले रु तीन लाख तथा तेस्रो हुनेले रु एक लाख ५० हजार पुरस्कार प्राप्त गर्नेछन् । प्रतियोगिताको उत्कृष्ट खेलाडीलाई एक थान स्कुटर तथा रु ५० हजार पुरस्कार दिइनेछ ।  

काठमाडाँै, १४ असोज । एशिया कप क्रिकेटको पहिलो खेलमा नेपालको यू–१९ क्रिकेट टोली पराजित भएको छ । नेपाल भारतसँग १७१ रनले हारेको हो । बङ्गलादेशमा आजदेखि शुरु भएको समूह चरणको पहिलो खेलमा भारतले ब्याटिङ गर्दै निर्धारित ५० ओभरको खेलमा नौ विकेट गुमाएर तीनसय पाँच रन बनायो । नेपालले ३६ दशमलव ५ ओभरमा १३३ रन मात्र बनाउन सक्यो । भारतका लागि यशभी जयसवालले एक सय ४ रन, सिमरन सिंहले ८२, आयुश बदोनीले ३३ तथा देवदत्त पादीक्कलले ३० रन बनाए । बलिङतर्फ नेपालका लागि भीम सार्कीले चार तथा  रशिद खानले दुई विकेट लिए ।   ब्याटिङतर्फ नेपालका लागि कप्तान मोहमद आशिफ  शेखले २५, रोहितकुमार पौडेलले २४, सन्दीप जोराले २० र रवीन्द्र शाहीले १६ र रवि साहले ११ रन बनाए । बलिङतर्फ भारतका सिद्धार्थ देसाई र हर्ष त्यागीले तीन÷तीन विकेट लिए नेपालले अब दोस्रो खेल यही असोज १५ गते अफगानिस्तानसँग तथा १६ गते युनाइटेड अरब इमिरेटस् (युएइ)सँग खेल्नेछ । समूहको शीर्ष दुई टोली सेमिफाइनल प्रवेश गर्नेछन् ।

काठमाडौँ, १४ असोज . शहीद स्मारक ‘ए’ डिभिजन लिगको आजको उद्घाटन खेलमा त्रिभुवन आर्मी क्लब र न्यूरोड टिम (एनआरटी)ले बराबरी खेलेका छन् । सातदोबाटोस्थित अखिल नेपाल फूटबल सङ्घ (एन्फा) मैदानमा आर्मी र एनआरटीले २–२ गोलको बराबरी खेल्दै अङ्क बाँडेका छन् । एनआरटीका लागि रोजित पुडासैनीले खेलको १२आँै मिनेटमा गोल गर्दै अग्रता लिएका थिए । खेलको ३८औँ मिनेटमा पेनाल्टीमार्फट गोल गर्दै आर्मीले खेल बराबरी ग¥यो । एनआरटीका खेलाडीले डिबक्सभित्र बल ‘ह्याण्ड’ गरेपछि रेफ्रीले आर्मीलाई पेनाल्टीको अवसर दिएका थिए । आर्मीका सन्तोष तामाङले पेनाल्टी सदुपयोग गरी खेल बराबरीमा ल्याएका हुन् । राष्ट्रिय टोलीका स्ट्राइकर भरत खवास, नवयुग श्रेष्ठ, जर्ज प्रिन्स कार्की लगायतको सशक्त अग्रपङ्क्ति रहे पनि आर्मीले एनआरटीविरुद्ध अपेक्षाकृत प्रदर्शन गर्न सकेन । यद्यपि खेलको अन्तिम समयमा पाएको फ्रिकिकमा गोल गरी आर्मीले खेल बराबरी गरेको हो । पहिलो हाफमा एक÷एक गोलको बराबरी भए पनि दोस्रो हाफमा एनआरटीले पुनःअग्रता लिएको थियो । खेलको ६४आँै मिनेटमा एनआरटीका राजेश परियारले गोल गर्दै टिमलाई २–१ को अग्रता दिलाए । खेलको अन्तिम समयमा आर्मीका सन्तोष तामाङले व्यक्तिगत दोस्रो गोल गरी  खेल बराबरीमा ल्याए । बराबरीसँगै दुवै टोलीले समान एक÷एक अङ्क बाँडेका छन् । लिगअन्तर्गत आइतबार सङ्कटा क्लब र सरस्वती युथ क्लबबीच खेल हुनेछ ।

नबराज बसौला लमजुङ्गे प्रधानमन्त्रीले भगवान नै छैनन यदि छन भने ती कार्लमार्क्स हुन भनेदेखी यो तपोभुमिमा बलात्कार , हत्या, हिंसा , लुटपाट का घटना एकाएक बढेको देखिन्छ। बरपिपल, तामातुलसा, भगवान भाकेर न्याय सम्पादन हुँदै आएको नेपाली समाजमा पुर्ब र बर्तमान प्रधानमन्त्री बाबुराम भट्टराई रकेपि ओलि आफ्ना नागरिकलाइ भौतिकबाद र नास्तिकता सिकाउने होडमा उत्रीनुको एउटा प्रभाब ले आजका युवाहरु पाप र धर्मको चेश्टा बाट च्युत हुँदै गएको आभाष हुन थालेको छ। नेपालि समुदायको ठूलो हिस्साले माता मान्दै आएको गाइलाइ काटेर खान पाउनुपर्छ भनेर बहस गर्न थालिनु, हिन्दु धर्म बिकासबिरोधी छ भनेर एउटा प्रधानमन्त्री भैसकेको ब्यक्तिले अभिव्यक्ति दिनु ले केही जमातलाइ भगवान प्रतिको आस्थामा बिस्वाश भङ हुँदै गएको र अदृश्य शक्ति सङ डर हुन छाडेको महशुस गर्न सकिन्छ। नराम्रो कर्म गरियो भने नर्क पुगिन्छ, भगवानले दन्ड दिन्छन, अर्को जुनिमा पशु भएर या यस्तै केही को रुपमा जन्म लिइन्छ भन्ने पाठ सिक्दै आएकाले नै नेपाल शान्तिभुमी को रुपमा चिनिन पाएको थियो भन्ने सत्य लाइ राज्य सन्चालनको कार्यकारी पदमा पुगेकाले बुझ्न सक्नुपर्छ।भगवान माथिको आस्था र बिस्वाशले मानिसलाइ सकारात्मक बन्न सिकाउदछ, अनुशासन र सत्कर्ममा रहन उत्प्रेरित गराउदछ। मन्दिर, गुम्बा,मस्जिद , चर्च जहाँ गएपनी प्रबेश गर्ने बित्तिकै तपाइमा सकारात्मक भाइब्रेशन सन्चार हुन शुरु भैहाल्छ। तपाईं जुनसुकै धर्म मा बिस्वाश गर्नुहोस ती सबै धर्मले नैतिकता सिकाउछ, पाप कर्म नगर्न सचेत गराउदछ। धेरै भौतिकबाद रनास्तिकता सिकाउनुको परिणाम पनि हुनसक्दछ यी यावत घटना घटी रहनुमा पनि। आफ्ना जनतालाइ नास्तिक हैन आस्तिक बन्न सिकाउनुहोस पुर्ब र बर्तमान प्रधानमन्त्री ज्युहरु१११