पोखरा । गण्डकी प्रदेशका सामाजिक विकास, युवा तथा खेलकुद मन्त्री विन्दुुकुमार थापाले घोकन्ते शिक्षा भन्दा व्यवसायिक शिक्षा अपरिहार्य रहेको बताएका छन् । राष्ट्रिय माध्यमिक विद्यालय पोखराको हीरक महोत्सवमा विहिबार उनले प्राविधिक शिक्षा, नवीनतम पाठ्यक्रम, र सीपमूलक कार्यक्रमहरू जस्ता शिक्षा नै आजको आवश्यकता रहेको उल्लेख गरे ।
राष्ट्रिय माध्यमिक विद्यालयले लामो यात्रा पार गर्दै शिक्षाको क्षेत्रमा महत्वपूर्ण योगदान पु¥याएको भनाई उनको छ । स्थानीय तथा राष्ट्रिय स्तरमा हजारौँ विद्यार्थीलाई ज्ञान, सीप र नैतिकतामा सक्षम बनाउँदै समाज रूपान्तरणमा ऐतिहासिक भूमिका उक्त विद्यालयले खेलेको उनले बताए । विद्यार्थीहरूले विभिन्न क्षेत्र—शिक्षा, राजनीति, विज्ञान, साहित्य, कला र उद्यमशीलतामा पु¥याएको योगदान प्रशंसनिय रहेको भनाई उनको छ ।
शिक्षा कुनै पनि राष्ट्रको विकासको आधार भएको भन्दै मन्त्री थापाले प्रदेश सरकारले गुणस्तरीय शिक्षा सबैलाई सहज रूपमा उपलब्ध गराउनका लागि विभिन्न योजनाहरू कार्यान्वयन गरिरहेको उल्लेख गरे ।  ग्रामीण तथा शहरी विद्यालयहरूलाई समान रूपमा प्रविधिमैत्री र स्रोतसाधनयुक्त बनाउन संघीय सरकार र स्थानीय तहसँग मिलेर प्रदेश सरकारले आफ्ना गतिविधिहरुलाई अगाडि बढाइरहेको मन्त्री थापाले बताए ।
राष्ट्रिय माध्यमिक विद्यालयको हीरक महोत्सव केवल उत्सव मनाउने अवसर मात्र होइन यसलाई आगामी दिनमा विद्यालयको स्तरवृद्धि र दिगो विकासका लागि नयाँ योजनाहरू बनाउने अवसरका रूपमा लिनुपर्ने धारणा उनको छ । उनले प्रदेश सरकार पनि विद्यालयको भौतिक पूर्वाधार सुधार, डिजिटल शिक्षा प्रविधिको प्रवर्द्धन र गुणस्तरीय पाठ्यक्रमको विकासमा सधैँ तयार रहेको उनले उल्लेख गरे ।
शिक्षालाई गुणस्तरिय बनाउन प्रदेश सरकारले फ्राइडे फर फ्युुचर, सिक्दै कमाउँदै, अभिभावक शिक्षा लगायतका कार्यक्रमको अवधारणालाई अगाडि बढाएको जानकारी उनले गराएका छन् । प्रदेश सरकारले आफ्नो क्षेत्रभित्र भएको अधिकारलाई प्रयोग गर्दै शिक्षामा सुधारन्मुुख काम गर्दै आएको भनाई उनको छ ।

पाेखरा। पाेखरा महानगरपालिका वडा नम्बर १८ भकुण्डेमा रहेको शान्त माविमा लैंगिक हिंसा सम्बन्धी सचेतनामुलक कार्यक्रम मंगलबार सम्पन्न भएको छ। लैंगिक हिंसा बिरुद्धकाे १६ दिने अभियानकाे अवसरमा बिद्यालय सचेतना कार्यक्रम अन्तर्गत   विपी काेईराला स्कुल अल पब्लिक पाेलिसि कास्कीले  कार्यक्रम आयोजना गरेको  विपी काेईराला स्कुल अल पब्लिक पाेलिसि कास्कीका अध्यक्ष  अधिबक्ता सरिता तिम्सिना पगेनीले जानकारी दिनुभयाे ।

कार्यक्रमकाे उद्घाटन गर्दै शान्त माविका शिक्षक अभिभावक संघका अध्यक्ष समुन्द्रा थापाले लैंगिक हिंसाका विषयमा बिद्यार्थीहरुले परिवार र समुदाय सम्म सचेतना फैलाउन महत्त्वपूर्ण भुमिका खेल्न सक्ने बताउनुभयाे।बिद्यालयलाई लैंगिक समतामूलक  बनाउन सबै सराेकारवालाहरु जिम्मेवार बन्नुपर्नेमा उहाँले जाेड दिनुभयो ।

शान्त माविका प्रधानाध्यापक कृष्ण प्रसाद तिमिल्सिनाले  बिद्यालयलाई राम्रो बनाउन शिक्षक,अभिभावक र बिद्यार्थीहरुकाे महत्त्वपूर्ण भुमिका रहने बताउनुभयो ।बिद्यालयलाई लैंगिक हिंसा मुक्त बनाउने सवालमा आफू सधैं प्रतिबद्ध रहेको उहाँको भनाइ थियाे।

बिद्यालयका शिक्षक प्रतिनिधि सुर्य प्रसाद तिमिल्सिनाले बिद्यालयमा बाल क्लब ,रेडक्रस जस्ता संस्थामा बिद्यार्थीहरुलाई सहभागी गराई उनिहरुकाे नेतृत्व विकासमा समेत जाेड दिईएकाे जानकारी दिनुभयो ।

ईन्सेकका मधु पन्थीले विद्यालय तहबाट नै हिंसाका विषयमा सचेतना जगाउन सके मात्र समाजलाई लैगिंक समतामूलक बनाउन सकिने बताउनुभयो ।

कार्यक्रमलाई विपी काेईराला स्कुल अल पब्लिक पाेलिसि कास्कीका अध्यक्ष नेपाल पत्रकार महासंघका केन्द्रीय सदस्य अधिबक्ता सरिता तिम्सिना पगेनीले लैंगिक हिंसा ,घरेलुु हिंसा ,करणी सम्बन्धी कसुर,बाल बिबाह ,बहु बिबाह,बाल अधिकार लगायतका बिषयमा सहजिकरण गर्नुभएको थियाे।

विपी काेईराला स्कुल अल पब्लिक पाेलिसि कास्कीले  युवाहरुको क्षमता बिकास , नेतृत्व बिकास, मानब अधिकार, लोकतान्त्रीक मुल्य र मान्यता  लगायतका बिषयमा बिभिन्न अभियान संचालन गर्दे आएको  अध्यक्ष तिम्सिनाले जानकारी दिनुभयाे ।

कार्यक्रममा शान्त माविका शिक्षक अभिभावक र बिद्यार्थीहरुकाे सहभागीता रहेको थियाे।

पाेखरा । पाेखरा महानगरपालिका वडा नम्बर २५ हेमजाका वडा अध्यक्ष तथा पाेखरा महानगरका प्रवक्ता माेतिलाल तिमिल्सिनाले  सभ्य समाज निर्माणका लागि लैंगिक हिंसाको अन्त्य हुनुपर्नेमा जाेड दिनुभएको छ।साेमबार पाेखरा महानगरपालिका  वडा नम्बर २५  हेमजाकाे आयोजना तथा पाेखरा महानगरपालिकाकाे आर्थिक सहयोगमा आयोजित लैंगिक हिंसा बिरुद्ध महिला पुरुषको ऐक्यबद्धता कार्यक्रममा बाेल्दै उहाँले सभ्य समाज निर्माणका लागि ल‌ैंगिक हिंसाको अन्त्य हुनुपर्ने बताउनुभयो ।