कास्की । नेपाली काँग्रेसको १४ औँ महाधिवेशन अन्तर्गत नेपाली काँग्रेस माछापुच्छ्रे गाउँपालिका कास्कीको आज सम्पन्न अधिवेशनबाट सभापति पदमा विरेन्द्र गुरुङ निर्वाचित हुनुभएको छ ।
गुरुङले मधुसुदन अधिकारीलाई पराजित गर्दै सभापतिमा निर्वाचित हुनुभएको हो । गुरुङले ९१ मत प्राप्त गर्दा अधिकारीले ७८ मत पाउनुभयो । सभापतिमा निर्वाचित गुरुङ वडा नं १ को वडाध्यक्ष समेत हुनुहुन्छ ।
यसैगरी उपसभापतिमा राम गुरुङ र मीनबहादुर गुरुङ निर्वाचित हुनुभयो । सचिव पदमा सञ्जय लम्साल र केशवराज अधिकारी, सहसचिवमा बालकृष्ण गौतम र महादेव गुुरुङ निर्वाचित हुनुभएको छ । अन्य पदमा भने यसअघिनै सर्वसम्मत सदस्य निर्वाचित भएका छन् ।
यसअघि वडा अधिवेशन भइसकेका देशका विभिन्न पालिकाहरुमा शनिबार अधिवेशन भएको हो ।