गीतको म्युजिक भिडियो पनि आकर्षक छ । सुब्रतराज आचार्यले निर्देशन गरेको म्युजिक भिडियोमा प्रियंका कार्की र सुनिल क्षेत्रीले अभिनय गरेका छन् ।
रिलिज भएको दुई दिनमा गीतले ८७ हजार भ्यूज पाएको छ । प्रारम्भिक प्रतिक्रियाबाट आफू उत्साहित बनेको गायक हिमाल सागरले अनलाइनखबरलाई बताए ।
कसलाई बिहेको प्रस्ताव राख्दैछन् हिमाल सागर ?
गायक हिमाल सागर नयाँ गीत लिएर दर्शक–स्रोतामाँझ आएका छन् । उनले दुई दिनअघि यूट्यूवमा रिलिज गरेको ‘बाजा’ बोलको गीतले राम्रो रेस्पोन्स पाइरहेको छ ।
अमर थापाले लेखेको यो गीतलाई चर्चित संगीतकार अर्जुन पोखरेलले संगीत दिएका हुन् । गीतमा हिमाल सागरले आफ्नै ट्रेन्डलाई पछ्याएका छन् ।
‘ब्रेकअप र चौका दाउ’सँगै निखिलको ‘भिलेन’
पौष २७ गतेबाट रिलिज हुन लागेको चलचित्र ‘भिलेन’को फस्टलुक रिलिज गरिएको छ । नायक निखिल उप्रेतीको मुख्य भूमिका रहेको यो चलचित्रको फस्टलुकमा उनलाई मात्र देखाइएको छ ।
चलचित्रमा शिल्पा पोखरेल, निशा अधिकारी लगायतका कलाकारको पनि मुख्य भूमिका छ । चलचित्रमा निखिल शिर्ष भूमिकामा देखिएका छन् । वितरक सुनिल मानन्धरले यो डेट फाइनल गरेका हुन् ।
देवेन्द्रराज पाण्डेको निर्देशनमा यो चलचित्र तयार भएको हो । यो डेटमा यसअघि नै २ वटा चलचित्रले प्रदर्शन मिति तोकिसकेका छन् । कमेडी कथामा बनेको चलचित्र ‘चौका दाउ’ र लभस्टोरी कथामा बनेको चलचित्र ‘ब्रेकअप’ यो मितिमा आउने फाइनल भैसकेको छ ।
अब, माघ १ गते पर्ने माघे संक्रान्तीको बिदा खानका लागि निखिलको ‘भिलेन’ पनि आइपुगेको छ । योसँगै यो मितिमा ३ वटा चलचित्र चल्ने देखिएको छ ।
डोल्पा जीप दुर्घटना मृत्तक सबैको सनाखत
ठूलीभेरी नगरपालिका–९ को कालागौँडा नजीकै बतासे वडारमा आज भएको जीप दुर्घटनाका मृत्तक सबैको सनाखत भएको छ । मृत्यु हुनेमा त्रिपुरासुन्दरी नगरपालिका–१ त्रिपुराकोटका ४५ वर्षीय हेमराज हमाल, १८ वर्षीया लक्ष्मी रोकाय, ६२ वर्षीय नरसिँह कठायत, २५ वर्षीय शेरबहादुर थापा, सोही नगरपालिका–२ की १३ वर्षीया अस्मिता रोकाय, सोही नगरपालिका–३ का ४५ वर्षीय बुध धराला, २४ वर्षीय कुमार रोकाय, सोही नगरपालिका–५ का १२ वर्षीय याम रोकाय, ठूलीभेरी नगरपालिका–५ का ३० वर्षीय भद्र रोकाय र १७ वर्षीया मनिषा धराला रहेको जिल्ला प्रहरी कार्यालयका प्रहरी नायब उपरीक्षक अभदेश बिष्टले जानकारी दिनुभयो । घाइते हुनेमा त्रिपुरासुन्दरी नगरपालिका–२ का नन्दबहादुर थापा र सोही नगरपालिका–३ का चालक दिनेश बोहरा रहेका छन् । घाइते बोहराको अवस्था गम्भीर रहेको प्रहरीले जनाएको छ । घाइते दुवैको जिल्ला अस्पतालमा उपचार भइरहेको छ । सबै शवको मङ्गलबार परीक्षण गरेर आफन्तलाई बुझाइने बताइएको छ । त्रिपुराकोटतर्फ १२ जना यात्रु बोकेर जाँदै गरेको भे१च १६१० नंको जीप अपराह्न दुर्घटना हुँदा सात पुरुष र तीन महिलासहित १० को मृत्यु भएको हो । जीप सडकबाट पन्ध्र मिटर तल ठूलीभेरी नदीमा खसेको थियो । जिल्लावासीलाई सुविधा दिनका लागि हेलिकोप्टरबाट ल्याएका जीप सदरमुकाम दुनै–त्रिपुराकोट दुनै–जुफालमा सञ्चालित थिए ।
जीप दुर्घटनामा १० को मृत्यु
सदरमुकाम दुनैबाट त्रिपुराकोटतर्फ जाँदै गरेको भे१च १६१० नं को जीप ठूलीभेरी नगरपालिका–९ बतासेओढारबाट ठूलीभेरी नदीमा खस्दा १० जनाको मृत्यु भएको छ । दुई जना घाइते भएका छन् ।
जीपमा १२ जना सवार थिए । ती यात्रुको घटनास्थलमै मृत्यु भएको प्रमुख जिल्ला अधिकारी भूपेन्द्र थापाले जानकारी दिनुभयो । मृतकको सनाखत हुन सकेको छैन । शव नदीबाट निकालेर परीक्षणका लागि जिल्ला अस्पताल दुनै लगिएको छ । दुई जनाको भने नदीबाट जीवितै उद्धार गरिएको प्रजिअ थापाले बताउनुभयो ।