काठमाडौं।  वर्षको एक पटक मात्रै नयाँ नोट सटही सुविधा दिँदै आएको नेपाल राष्ट्रबैंकले  वर्षभरी नै विभिन्न पर्वको अवसरमा नयाँ नोट सटहीको व्यवस्था गरेको छ । यस अघि दशैंमा मात्रै बाँड्दै आएको नयाँ नोटको सटहीलाई सहज बनाउदै बैकले यो सुबिधा ल्याएको हो। नेपाल राष्ट्र बैंकका मुद्रा ब्यवस्थापन विभागका कार्यकारी निर्देशक लक्ष्मीप्रपन्न निरौलाका अनुसार नेपाल राष्ट्रबैंकले आफ्ना सबै क्षेत्रीय कार्यलयहरुबाट  नोट सटही गर्न सकिने व्यवस्था गरेको छ । काठमाडौंमा भने थापाथलीमा रहेको राष्ट्रबैंकको कार्यालयबाट नोट सटही गर्न सकिने छ । निरौलाका अनुसार वर्षको पहिलो दिन नयाँ वर्षमा पनि अब नयाँ नोट पाईने भएको छ । त्यसपछि उभौली पर्वरबुद्ध जयन्ति, गाईजात्रा, गौरा पर्व, तीज, संविधान दिवसमा पनि नयाँ नोट पाईने छ । त्यस्तै, इन्द्रजात्रा, जितिया पर्व, दसैं, तिहार, छठ पर्ब, फाल्गुनन्द जयन्ती, गुरु नानक जयन्ती, उधौली पर्बरयोमरी पुन्हि ज्यापु दिवस, क्रिसमस, ल्होसार, माघी पर्ब, महाशिवरात्री, फाल्गु पूर्णिमा, घोडेजात्रा, इद आयदि राष्ट्रिय चाडपर्ब तथा दिवसमा नयाँ नोट सटही गर्न पाइने भएको हो।

चितवन, जिल्ला प्रहरी कार्यालयले जुवातास नियन्त्रण अभियानअन्तर्गत तिहारमा ७८ जुवाडेलाई पक्राउ गरी आवश्यक कानुनी कारवाही गरेको छ । प्रहरीले यस क्रममा रु ११ लाख २७ हजार बरामद गरेको छ । प्रहरी नायव उपरीक्षक दुर्गाराज रेग्मीका अनुसार कात्तिक १२ गतेदेखि २३ गतेसम्म जिल्लाको भरतपुर, रत्ननगर र खैरहनीबाट कौडा र तास खेल्दै गरेको अवस्थामा उनीहरुलाई पक्राउ गरिएको हो । कात्तिक १२ गतेबाट २३ गतेसम्म जिल्लाको भरतपुर, रत्ननगर र खैरहनी क्षेत्रबाट कौडा र तास खेल्दै गरेका जुवाडे पक्राउ परेका हुन् । पक्राउ परेका उपर मुलुकी अपराध (संहिता) ऐन २०७४ को परिच्छेद ५ को दफा १२५ अनुसार कारवाही गरिनेछ ।

पोखरा,युवाउद्यमी तथा सामाजिक ब्यक्तित्व  स्व सरोज अधिकारीको सम्झनामा पोखरा ३३ बागमारामा सरोज स्मृति प्रतिष्ठान गठन गरिएको छ । प्रतिष्ठानको अध्यक्षमा  तिलक प्रसाद अधिकारी,उपाध्यक्षमा मनोजबहादुर कार्की,सचिबमा गोपीराज अधिकारी तथा कोषाध्यक्षमा बिना पगेनी अधिकारी रहेका छन ।सदस्यहरुमा दधिराम पौडेल,रामबहादुर पुन,,बिष्णुप्रसाद आचार्य,ऋषिमाया लामिछाने तथा दुर्गा केसी छन। बिभिन्न सामाजिक कार्य गर्ने उदेश्यले प्रतिष्ठान गठन गरिएको हो । उद्योग ब्यबसाय,राजनीती तथा समाजसेवामा सक्रिय अधिकारीको मनाङ्गको तिलिचो ताल भ्रमणको क्रममा गत कार्तिक ७ गते ३४ बर्षको उमेरमा निधन भएको थियो । अधिकारी नेपाली काँग्रेसका वडा सहसंयोजक,लेखनाथ उद्योग बाणिज्य संघका  कार्यसमिति सदस्य तथा पर्यटन,कृषि,सहकारी,शिक्षा,लगायत बिभिन्न क्षेत्रमा आबद्ध थिए। अग्रज ब्यक्तित्व बाबुराम अधिकारीको अध्यक्षतामा भएको भेलाले प्रतिष्ठान गठन गरेको हो ।

  काठमाडौं ,सरकारले संघीय मामिला तथा सामान्य प्रशासन मन्त्रालयमा कार्यरत ६ सहसचिवलाई सचिव बनाएर बिभिन्न आयोगमा खटाएको छ  । आइतबार बसेको मन्त्रिपरिषद् बैठकले ६ संवैधानिक आयोगका लागि कर्मचारी खटाउने निर्णय गरेको हो। सरकारले दलित आयोगमा पुरुषोत्तम नेपाल, राष्ट्रिय समावेशी आयोगमा सुरेश अधिकारी, मुस्लिम आयोगमा केदार प्रसाद पनेरु, मधेशी आयोगमा भुपाल बराललाई खटाउने निर्णय गरेको भने आदिवासी जनजाति आयोगमा रुद्र सिंह तामाङ र थारु आयोगमा रुपनारायण भट्टराईलाई कार्यभार तोकेको छ । संविधान जारी भएसँगै गठन हुनुपर्ने यस्ता आयोग गठन सम्बन्धी विधेयक नै करिब डेढ वर्षपछि जारी हुँदा संविधान जारी भएको तीन वर्षपछि बल्ल पदपूर्ति गरिएको हो । ऐन जारी भएपछि उक्त आयोगमा पदाधिकारी नियुक्त सुरु हुनुपर्नेमा गत भदौ ५ गते मात्र गठनको प्रक्रिया थालिएको थियो । २०७२ असोज ३ मा जारी नयाँ संविधानले ८ वटा संवैधानिक आयोगहरु रहने व्यवस्था गरेको छ।